QR Ulttyq Banki tóraǵasynyń keńesshisi, tsifrlyq transformatsiia basshysy Binýr Jalenov telefon nómiri men biryńǵai QR-kod boiynsha bankaralyq aýdarymdardy iske qosý jónindegi jobanyń jaiyna toqtaldy. Ol Ulttyq bank ázirlegen bul júie 2024 jyldyń 15 qarashasynda pilottyq rejimde iske qosylǵanyn da naqtylady, dep habarlaidy Dalanews.kz.
"Búginderi bankterdi kezeń-kezeńimen qosý protsesi júrip jatyr. Búgingi tańda 9 bankpen osy júieniń operatory - Ulttyq tólem korporatsiiasy shart jasasty. Maýsym aiynda alǵashqy bes banktiń klientteri úshin telefon nómiri boiynsha bankaralyq aýdarymdar qoljetimdi bolady dep úmittenemiz. Bul bankterdiń qatarynda Halyk, Freedom, RBK, Altyn jáne Home CREDIT bar", – dep atap ótti Ulttyq Banktiń brifingi barysynda Binýr Jalenov.
Barlyq bankterdiń jańa tólem ekojúiesine tolyq integratsiialanýyn qamtamasyz etý úshin Ulttyq bank "Bankter týraly" jańa zań aiasynda zańnamaǵa túzetýler engizýge bastamashy boldy. Qazaqstanda barlyq qolma-qol aqshasyz operatsiialardyń 90%-y internet jáne mobildi banking arqyly júzege asyrylady, bul tsifrlyq arnalardyń qarqyndy damyp kele jatqanyn tanytady.
