Ulttyq bank basshysy Timýr Súleimenov Úkimet otyrysynda esinep otyr, - dep habarlaidy Dalanews.kz.
Bul sát onlain rejimde videoǵa túsip qalǵan.
Súleimenov premer-ministr Oljas Bektenov sóilep ot yrǵan kezde birneshe ret esinep, artynsha uiyqtap ketkendei kórinedi.
Aita keteiik, búgin Úkimet Qazaqstanda AES salý boiynsha respýblikalyq referendým ótkizý máseleleri boiynsha qaýly qabyldady.
Premer-Ministr Oljas Bektenovtiń tóraǵalyǵymen ǵalymdar men sarapshylar qaýymdastyǵynyń qatysýymen ótken Úkimet otyrysynda Qazaqstandaǵy atom energetikasyn damytý perspektivalary qaraldy.
Máseleni talqylaý qorytyndysy boiynsha energetika ministri Almasadam Sátqaliev «Respýblikalyq referendým ótkizý týraly» QR Prezidenti Jarlyǵynyń jobasy týraly» Úkimet qaýlysynyń jobasyn qaraýǵa engizýge usynys jasady.
Premer-Ministr Oljas Bektenov Qazaqstanda atom energetikasyn damytý máselesi kópten beri kóterilip kele jatqanyn jáne bul salanyń keleshegi zor ekenin atap ótti. Búginde elimizde iadrolyq otyn óndirisi tolyqtai derlik igerilgen, shaǵyn reaktorlardy paidalaný tájiribesi jinaqtaldy. Bul baǵytta mamandar men ǵalymdarymyz da bar. Kadr daiarlaýǵa da kóńil bólinip keledi.
Otyrys qorytyndysy boiynsha Úkimet basshysy Energetika ministrligine Úkimet Apparatymen birlesip Prezident Ákimshiligine Jarlyq jobasyn engizýdi tapsyrdy.
