2025 jyly birjadan tys saýdany qosa alǵanda, altynǵa degen jalpy suranys alǵash ret 5 000 tonnadan asty. Altyn baǵasynyń rekordtyq ósýimen qatar bul naryqtyń jalpy qunyn 555 mlrd dollarǵa jetkizdi. Bul kórsetkish bir jylda 45 paiyzǵa artqan, dep habarlaidy Dalanews.kz.
Jyl boiy investitsiialyq qyzyǵýshylyqty aiqyndaǵan negizgi faktorlar ózgerissiz qaldy.
Ortalyq bankterdiń jalpy altyn satyp alý kólemi 863 tonnaǵa jetip, 2025 jylǵa arnalǵan burynǵy boljamdardyń joǵarǵy shegin kórsetti. Álem boiynsha eń kóp altyn satyp alǵan ortalyq bank - Polsha Ulttyq banki, ol 103 tonna altyn qoryn tolyqtyrdy.
Qazaqstan Respýblikasynyń Ulttyq banki 2025 jyly 57 tonna altyn satyp alyp, álemde ekinshi orynǵa jaiǵasty. Odan keiingi oryndarda Braziliia, Ázerbaijan jáne Qytai ortalyq bankteri tur.
2026 jyly geosaiasi ahýaldyń kúrdelene túsýin eskere otyryp, Dúniejúzilik altyn keńesi altynmen qamtamasyz etilgen ETF-qorlarǵa qarjy aǵyny jalǵasady dep kútedi. Sondai-aq quima men altyn monetalarǵa degen turaqty suranys saqtalady, bul úrdis ortalyq bankterdiń belsendi satyp alýlarymen kúsheie túsedi.
Al zergerlik buiymdar naryǵy altyn baǵasynyń joǵary bolýyna bailanysty álsiz kúiinde qala bermek.
