Ulttyq ashanamyzdy álemge tanytýdyń amaly bar ma?
Saiasattanýshy Edýard Poletaevtyń aitýynsha, taǵam túrleri neǵurlym kóp bolsa, sol elge degen týristerdiń qyzyǵýshylyǵy da joǵary bolmaq.
«Týrister jaqsy tamaqtana alatyn elderdi jii tańdaidy. Aspazdyq dástúri erekshe damyǵan Frantsiiaǵa frantsýz ashanasynyń dámin tatý úshin jyl saiyn 5 mln. adam keledi eken. Al Miýnhendegi áigili «Oktoberfest» syra baiqaýyna 6 mln-nan astam jinalady.
Qazirgi jastardyń kópshiligi fast-fýdpen tamaqtanady. Bul bir jaǵynan yńǵaily. Jyldam. Ýaqyt joǵaltpaisyń. Alaida ziiany da jetip artylady.
Byltyrǵy jyly Eýraziialyq odaq aýmaǵynda quramynda GMO bar ónimderge qatysty talaptyń qatańdaýy tegin emes. Endigi jerde azyq-túliktiń quramynda GMO bolsa, bul jazý taýardyń betinde úlken árippen jazylýy qajet», - dedi ol sóz oraiynda.
Al jýrnalist Vladislov Iýritsynnyń pikirinshe, Orta Aziianyń ashanasyn ortaq brend aiasynda nasihattaý qajet.
«Almatydaǵy ahýalǵa keler bolsaq, ońtústik astananyń jahandaný yqpalyna túsip ketkenin ańǵarý qiyn emes. Restorandar men kafelerdiń ataýy - «Venetsiia», «Versal» jáne osy siiaqty sheteldik ataýlarǵa tunyp tur», - dedi ol.
Óz kezeginde saiasattanýshy Rustam Burnashev: «Otandyq aspazdyq salany damytý úshin eń aldymen jarnama qajet. Jarnama jasandy bolmaýy qajet. Grýzin ashanasy osy jaǵynan utyp tur» degen pikir bildirdi.
Sharany túiindegen Magnum Cash&Carry kompaniiasynyń PR-menedjeri Dmitrii Shishkin: «Fast-fýd búgingi dáýirdiń taǵamy. Onymen básekelesýdiń jóni joq, kerisinshe áriptesý qajet. Fast-fýdpen integratsiialanýdyń amaldaryn izdestirý kerek» degen oi aitty.
