ساياساتتانۋشى ەدۋارد پولەتايەۆتىڭ ايتۋىنشا، تاعام تۇرلەرى نەعۇرلىم كوپ بولسا، سول ەلگە دەگەن تۋريستەردىڭ قىزىعۋشىلىعى دا جوعارى بولماق.
«تۋريستەر جاقسى تاماقتانا الاتىن ەلدەردى ءجيى تاڭدايدى. اسپازدىق ءداستۇرى ەرەكشە دامىعان فرانسياعا فرانسۋز اسحاناسىنىڭ ءدامىن تاتۋ ءۇشىن جىل سايىن 5 ملن. ادام كەلەدى ەكەن. ال ميۋنحەندەگى ايگىلى «وكتوبەرفەست» سىرا بايقاۋىنا 6 ملن-نان استام جينالادى.
قازىرگى جاستاردىڭ كوپشىلىگى فاست-فۋدپەن تاماقتانادى. بۇل ءبىر جاعىنان ىڭعايلى. جىلدام. ۋاقىت جوعالتپايسىڭ. الايدا زيانى دا جەتىپ ارتىلادى.
بىلتىرعى جىلى ەۋرازيالىق وداق اۋماعىندا قۇرامىندا گمو بار ونىمدەرگە قاتىستى تالاپتىڭ قاتاڭداۋى تەگىن ەمەس. ەندىگى جەردە ازىق-تۇلىكتىڭ قۇرامىندا گمو بولسا، بۇل جازۋ تاۋاردىڭ بەتىندە ۇلكەن ارىپپەن جازىلۋى قاجەت»، - دەدى ول ءسوز ورايىندا.
ال جۋرناليست ۆلاديسلوۆ يۋريسىننىڭ پىكىرىنشە، ورتا ازيانىڭ اسحاناسىن ورتاق برەند اياسىندا ناسيحاتتاۋ قاجەت.
«الماتىداعى احۋالعا كەلەر بولساق، وڭتۇستىك استانانىڭ جاھاندانۋ ىقپالىنا ءتۇسىپ كەتكەنىن اڭعارۋ قيىن ەمەس. رەستوراندار مەن كافەلەردىڭ اتاۋى - «ۆەنەسيا»، «ۆەرسال» جانە وسى سياقتى شەتەلدىك اتاۋلارعا تۇنىپ تۇر»، - دەدى ول.
ءوز كەزەگىندە ساياساتتانۋشى رۇستام بۇرناشيەۆ: «وتاندىق اسپازدىق سالانى دامىتۋ ءۇشىن ەڭ الدىمەن جارناما قاجەت. جارناما جاساندى بولماۋى قاجەت. گرۋزين اسحاناسى وسى جاعىنان ۇتىپ تۇر» دەگەن پىكىر ءبىلدىردى.
شارانى تۇيىندەگەن Magnum Cash&Carry كومپانياسىنىڭ PR-مەنەدجەرى دميتريي شيشكين: «فاست-فۋد بۇگىنگى ءداۋىردىڭ تاعامى. ونىمەن باسەكەلەسۋدىڭ ءجونى جوق، كەرىسىنشە ارىپتەسۋ قاجەت. فاست-فۋدپەن ينتەگراسيالانۋدىڭ امالدارىن ىزدەستىرۋ كەرەك» دەگەن وي ايتتى.
