Ult jospary talqylandy
Basqosýdy Ulttyq ǵylym akademiiasynyń korrespondent múshesi, filosofiia ǵylymdarynyń doktory, professor, QazUPÝ saiasattaný jáne áleýmettik-filosofiialyq pánder kafedrasynyń meńgerýshisi Raýshanbek Ábsattarov júrgizip, baiandamashylarǵa taqyryptary boiynsha arnaiy sóz berip otyrdy, ózi de baiandama jasady. Dóńgelek ústel ártúrli salalar boiynsha ǵylymi tujyrymdar negizinde ótti. Saiasi, áleýmettik, filosofiialyq jáne aǵartýshylyq aspektiler negizinde taldanyp, mamandardyń ózara pikirlesýine múmkindik jasaldy.
QazUPÝ-dyń oqý isi jónindegi prorektory, QR UǴA korrespondent-múshesi, filosofiia ǵylymdarynyń doktory, professor Aqtolqyn Qulsarieva dóńgelek ústeldi ashyp, kirispe sóz sóiledi. Ol kisi Elbasy bekitip bergen «100 naqty qadam» eldiń damý jolyn belgileitin jáne kemeldi bolashaqqa bastaityn uitqy kúsh ekenin, aýqymdy jospardy jan-jaqtyly talqylaýdyń mańyzdylyǵy jóninde oi bildirdi.
Sharada negizgi baiandamany áleýmettaný ǵylymdarynyń doktory, professor Tynyshtyq Qaldybaeva jasady. «Qazaqstan qoǵamyn túbegeili ózgertý – qoǵamdyq sananyń túbegeili ózgerýi» atty baiandamasynda professor jahandaný úrdisindegi elimiz bet kelgen túrli máselelerdiń sheshimin tabý úshin qoǵamdyq sanany jańartý qajettigin naqtylai tústi. Professordyń pikirinshe, eldiń damýyna tikelei áser etetin kúsh – qoǵamdyq sana. Bul aýqymdy ári naqty jospardyń mańyzdylyǵyn barsha qazaqstandyqtar jete túsinýi kerek. Árqandai jospardyń atqarylýy, iske asýy úshin tek bilik tarapy emes, qarapaiym halyq, túrli deńgeidegi áleýmettik toptar, memlekettik mekemeler mundaǵy atap kórsetilgen jospardy ózderiniń jumysymen bailanystyra bilgenderi jón.
Dóńgelek ústelde Sabikenov S. N. – QR UA akademigi, zań ǵylymdarynyń doktory, professor; Imanberdiev B.D. – ekonomika ǵylymdarynyń doktory, professor; Dúisenov E.E. – zań ǵylymdarynyń doktory, professor; Nurmuratov S. E – filosofiia ǵylymdarynyń doktory, professor; Satershinov B. M. – filosofiia ǵylymdarynyń doktory, professor; Musataev S. Sh. – saiasi ǵylymdarynyń doktory, professor; Seisen N. B. – saiasi ǵylymdarynyń kandidaty, Artemev A. I. – filosofiia ǵylymdarynyń doktory, professor, Jumaǵulov B.S. – tarih ǵylymdarynyń kandidaty, professor jáne t.b. ǵalymdar sóz sóilep, oi qosty. Árqaisysy óz pikirlerin aityp, ózderiniń praktikalyq usynystaryn aitty.
Máselen, filosofiia ǵylymdarynyń doktory, professor Artýr Artemev «Qazaqstan – 2050» baǵdarlamasyn júzege asyrý úshin kezeńdik máni zor bul jolǵy «Ult josparynyń» áleýmettik-gýmanitarlyq saladaǵy alar orny jóninde oi tolǵady. Áleýmettik salaǵa basa kóńil bólip, halyqtyń jaǵdaiynyń jaqsarýyna yqpal etkende ǵana elimizde tynyshtyq, bereke bolady. Elbasynyń únemi birinshi kezekke qoiatyny – eldiń áleýmettik jaǵdaiy. Ǵalym bul pikirlerin júieli ári naqty dáiektermen keltirdi. Al professor Juldyz Qabaeva «Máńgilik el» uǵymynyń ulttyq ideiadaǵy filosofiialyq ustynyn, saiasi ǵylymdarynyń doktory Jumart Simtikov saiasi reformalarǵa arqaý bolatyn negizgi baǵyttardy, oǵan 100 qadamnyń qalai yqpal etetindigin, saiasi ǵylymdardyń kandidaty, dotsent Nailia Seisen oqý máselesindegi jańǵyrtýlardyń keibir ózekti túiinderin, dotsent Liazzat Jazylbek indýstriialandyrý men ekonomikalyq ósim reformasyna qatysty ult josparynyń tigizer yqpalyn, saiasi ǵylymdarynyń kandidaty Timýr Daýylbek Qazaqstandaǵy toleranttylyq negizin qarastyryp, dóńgelek ústeldiń mańyzdylyǵyn arttyra tústi.
Barlyq sóilegen ǵalymdar óte jaqsy, batyl pikirler aityp jáne ómirimizde 100 qadam josparyn qalai iske asyrý kerektigin aitty.
