ۇلت جوسپارى تالقىلاندى

Dalanews 30 مام. 2015 05:02 109

 اپتانىڭ سارسەنبىسىندە اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە «ن. ءا. نازاربايەۆتىڭ 100 ناقتى قادامى – ۇلتىمىز بولاشاعىنىڭ داڭعىل جولى» اتتى رەسپۋبليكالىق دوڭگەلەك ۇستەل ءوتتى. شاراعا قازۇپۋ-دىڭ ۇستاز-عالىمدارى مەن الماتى قالاسىنداعى سالا ماماندارى قاتىسىپ، «ۇلت جوسپارىنىڭ» ماڭىزى مەن مانىنە توقتالدى.

باسقوسۋدى ۇلتتىق عىلىم اكادەمياسىنىڭ كوررەسپوندەنت مۇشەسى، فيلوسوفيا عىلىمدارىنىڭ دوكتورى، پروفەسسور، قازۇپۋ ساياساتتانۋ جانە الەۋمەتتىك-فيلوسوفيالىق پاندەر كافەدراسىنىڭ مەڭگەرۋشىسى راۋشانبەك ءابساتتاروۆ جۇرگىزىپ، بايانداماشىلارعا تاقىرىپتارى بويىنشا ارنايى ءسوز بەرىپ وتىردى، ءوزى دە بايانداما جاسادى.  دوڭگەلەك ۇستەل ءارتۇرلى سالالار بويىنشا عىلىمي تۇجىرىمدار نەگىزىندە ءوتتى. ساياسي، الەۋمەتتىك، فيلوسوفيالىق جانە اعارتۋشىلىق اسپەكتىلەر نەگىزىندە تالدانىپ، مامانداردىڭ ءوزارا پىكىرلەسۋىنە مۇمكىندىك جاسالدى.

قازۇپۋ-دىڭ وقۋ ءىسى جونىندەگى پرورەكتورى، ق ر ۇعا كوررەسپوندەنت-مۇشەسى، فيلوسوفيا عىلىمدارىنىڭ دوكتورى،  پروفەسسور اقتولقىن قۇلسارييەۆا دوڭگەلەك ۇستەلدى اشىپ، كىرىسپە ءسوز سويلەدى. ول كىسى ەلباسى بەكىتىپ بەرگەن «100 ناقتى قادام» ەلدىڭ دامۋ جولىن بەلگىلەيتىن جانە كەمەلدى بولاشاققا باستايتىن ۇيتقى كۇش ەكەنىن، اۋقىمدى جوسپاردى جان-جاقتىلى تالقىلاۋدىڭ ماڭىزدىلىعى جونىندە وي ءبىلدىردى.

شارادا نەگىزگى باياندامانى الەۋمەتتانۋ عىلىمدارىنىڭ دوكتورى، پروفەسسور تىنىشتىق قالدىبايەۆا جاسادى. «قازاقستان قوعامىن تۇبەگەيلى وزگەرتۋ – قوعامدىق سانانىڭ تۇبەگەيلى وزگەرۋى» اتتى بايانداماسىندا پروفەسسور جاھاندانۋ ۇردىسىندەگى ەلىمىز بەت كەلگەن ءتۇرلى ماسەلەلەردىڭ شەشىمىن تابۋ ءۇشىن قوعامدىق سانانى جاڭارتۋ قاجەتتىگىن ناقتىلاي ءتۇستى. پروفەسسوردىڭ پىكىرىنشە، ەلدىڭ دامۋىنا تىكەلەي اسەر ەتەتىن كۇش – قوعامدىق سانا. بۇل اۋقىمدى ءارى ناقتى جوسپاردىڭ  ماڭىزدىلىعىن بارشا قازاقستاندىقتار جەتە ءتۇسىنۋى كەرەك. ءارقانداي جوسپاردىڭ اتقارىلۋى، ىسكە اسۋى ءۇشىن تەك بيلىك تاراپى ەمەس، قاراپايىم حالىق، ءتۇرلى دەڭگەيدەگى الەۋمەتتىك توپتار، مەملەكەتتىك مەكەمەلەر مۇنداعى اتاپ كورسەتىلگەن جوسپاردى وزدەرىنىڭ جۇمىسىمەن بايلانىستىرا بىلگەندەرى ءجون.

دوڭگەلەك ۇستەلدە سابيكەنوۆ س. ن. – ق ر ۇا اكادەميگى، زاڭ عىلىمدارىنىڭ دوكتورى، پروفەسسور؛  يمانبەردييەۆ ب.د. – ەكونوميكا عىلىمدارىنىڭ دوكتورى، پروفەسسور؛ دۇيسەنوۆ ە.ە. – زاڭ عىلىمدارىنىڭ دوكتورى، پروفەسسور؛ نۇرمۇراتوۆ س. ە –  فيلوسوفيا عىلىمدارىنىڭ دوكتورى،  پروفەسسور؛ ساتەرشينوۆ ب. م. – فيلوسوفيا عىلىمدارىنىڭ دوكتورى،  پروفەسسور؛ مۇساتايەۆ س. ش. – ساياسي عىلىمدارىنىڭ دوكتورى،  پروفەسسور؛ سەيسەن ن. ب. – ساياسي عىلىمدارىنىڭ كانديداتى،  ارتەميەۆ ا. ي. – فيلوسوفيا عىلىمدارىنىڭ دوكتورى،  پروفەسسور، جۇماعۇلوۆ ب.س. – تاريح عىلىمدارىنىڭ كانديداتى، پروفەسسور جانە ت.ب. عالىمدار ءسوز سويلەپ، وي قوستى. ءارقايسىسى ءوز پىكىرلەرىن ايتىپ، وزدەرىنىڭ پراكتيكالىق ۇسىنىستارىن ايتتى.

ماسەلەن، فيلوسوفيا عىلىمدارىنىڭ دوكتورى، پروفەسسور ارتۋر ارتەميەۆ «قازاقستان – 2050» باعدارلاماسىن جۇزەگە اسىرۋ ءۇشىن كەزەڭدىك ءمانى زور بۇل جولعى «ۇلت جوسپارىنىڭ» الەۋمەتتىك-گۋمانيتارلىق سالاداعى الار ورنى جونىندە وي تولعادى. الەۋمەتتىك سالاعا باسا كوڭىل ءبولىپ، حالىقتىڭ جاعدايىنىڭ جاقسارۋىنا ىقپال ەتكەندە عانا ەلىمىزدە تىنىشتىق، بەرەكە بولادى. ەلباسىنىڭ ۇنەمى ءبىرىنشى كەزەككە قوياتىنى – ەلدىڭ الەۋمەتتىك جاعدايى. عالىم بۇل پىكىرلەرىن جۇيەلى ءارى ناقتى دايەكتەرمەن كەلتىردى. ال پروفەسسور جۇلدىز قابايەۆا «ماڭگىلىك ەل» ۇعىمىنىڭ ۇلتتىق يدەياداعى فيلوسوفيالىق ۇستىنىن، ساياسي عىلىمدارىنىڭ دوكتورى جۇمارت سيمتيكوۆ  ساياسي رەفورمالارعا ارقاۋ بولاتىن نەگىزگى باعىتتاردى، وعان 100 قادامنىڭ قالاي ىقپال ەتەتىندىگىن، ساياسي عىلىمداردىڭ كانديداتى، دوسەنت نايليا سەيسەن وقۋ ماسەلەسىندەگى جاڭعىرتۋلاردىڭ كەيبىر وزەكتى تۇيىندەرىن، دوسەنت لياززات جازىلبەك يندۋستريالاندىرۋ مەن ەكونوميكالىق ءوسىم رەفورماسىنا قاتىستى ۇلت جوسپارىنىڭ تيگىزەر ىقپالىن، ساياسي عىلىمدارىنىڭ كانديداتى تيمۋر داۋىلبەك قازاقستانداعى تولەرانتتىلىق نەگىزىن قاراستىرىپ، دوڭگەلەك ۇستەلدىڭ ماڭىزدىلىعىن ارتتىرا ءتۇستى.

بارلىق سويلەگەن عالىمدار وتە جاقسى، باتىل پىكىرلەر ايتىپ جانە ومىرىمىزدە 100 قادام جوسپارىن  قالاي  ىسكە اسىرۋ كەرەكتىگىن ايتتى.

ۇسىنىلعان
سوڭعى جاڭالىقتار