Bul rette Prezident tapsyrmasyn oryndaý maqsatynda «Deni saý ult» árbir azamat úshin sapaly jáne qoljetimdi densaýlyq saqtaý ulttyq jobasy bekitilip, júzege asyrylýda. Jobanyń maqsaty – árbir azamat úshin sapaly jáne qoljetimdi densaýlyq saqtaýdy qamtamasyz etý, ol 2025 jylǵa deiin eseptelgen jáne tórt túrli baǵytta júzege asyrylady: Birinshi baǵyt – meditsinalyq kómektiń qoljetimdiligi men sapasyn arttyrý. Ekinshi baǵyt – epidemiialyq boljaý men den qoiýdyń zamanaýi júiesin qalyptastyrý. Úshinshi baǵyt – otandyq farmatsevtika salasynyń damýyna yqpal etý. Tórtinshi baǵyt – salaýatty ómir saltyn ustanatyn halyqtyń úlesin arttyrýǵa jáne buqaralyq sportty damytýǵa baǵyttalǵan is-sharalar. Memlekettiń basty basymdyǵy árqashan adam densaýlyǵyn saqtaý bolyp tabylady.Adam densaýlyǵyn saqtaý quqyǵyna Qazaqstan Respýblikasy Konstitýtsiiasynyń 29-baby kepildik beredi.Atalǵan baptyń 1-bóligine sáikes, «Qazaqstan Respýblikasy azamattarynyń densaýlyǵyn saqtaýǵa quqyǵy bar» delingen.
BUU-nyń bastaýymen alǵash ret «turaqty damý» kontseptsiiasy usynyldy. Turaqty damý maqsattary ishindegi 3-maqsat «jaqsy densaýlyq jáne ál-aýqat» ekenin eskersek,barsha adamzattyń deniniń saýlyǵy-basty bailyǵy.
Dúniejúzilik Densaýlyq saqtaý uiymynyń jarǵysynda «Densaýlyq — fizikalyq aqaýdyń, aýrýdyń bolmaýy ǵana emes, adamnyń fizikalyq, psihikalyq, rýhani jáne áleýmettik turǵydaǵy tolyqqandy belsendiligi» retinde túsindiriledi. Densaýlyqqa keri áserin tigizetin taǵy bir faktor – jaman ádetter: temeki tartý, spirtti ishimdikter paidalaný. Osynyń bári de ómirimizdi edáýir qysqartady. Qysqartyp qana qoimai, ómirimizdiń sapaly ótýine de keri áserin tigizedi. Atalǵan ádetter tek sol adamnyń ózine ǵana emes, ainaladaǵylardyń bárine óz ziianyn tigizedi.Joǵaryda atalǵan jaittardy eskere otyra,Ál-Farabi atyndaǵy Qazaq ulttyq ýniversitetiniń zań fakýlteti qylmystyq quqyq,qylmystyq is júrgizý jáne kriminalistika kafedrasynyń bilim alýshylarymen ýniversitettiń «Salaýatty ómir salty»,kafedramyzdyń «O sport» jobasyn jáne «Turaqty damý maqsattary» 3-maqsatyn ushtastyryp túrli aktsiialar,dóńgelek ústelder t.b is-sharalar ótkizýdemiz.
Ómir – qozǵalys. Densaýlyqtyń da durys bolýy úshin belsendi ómirdiń mańyzy zor. Sport – densaýlyq kepili. Densaýlyq — tek jeke bastyń ǵana emes, ultymyzdyń da uly igiligi.
Mýhamadieva Gúljan Núsipjanqyzy
Ál-Farabi atyndaǵy
QazUÝ Zań fakýlteti qylmystyq quqyq, qylmystyq
is júrgizý jáne kriminalistika kafedrasynyń dotsenti,z.ǵ.k
Parishova Aqerke
Ál-Farabi atyndaǵy
QazUÝ Zań fakýltetiniń magistranty
