Sondai sharalardyń biri, Astana qalasynyń jastar saiasaty máseleleri basqarmasynyń qoldaýymen «Álem» volonterlik ortalyǵy» ZTB-y aǵymdaǵy jyldyń sáýir jáne qarasha aralyǵynda «Qyzdardyń ónegeli tárbiesine baǵyttalǵan kezdesýler ótkizý»jobasyn ótkizgen bolatyn.
Bul joba elbasymyzdyń «Bolashaqqa baǵdar: rýhani jańǵyrý» baǵdarlamasy aiasynda júzege asyryldy.
Atalmysh joba aiasynda elordadaǵy joǵary oqý oryndary men kolledjderde kezdesýler ótkizildi. Onda elimizdegi boijetkenderdiń taǵdyry, ónegelik tárbiesi jáne gendirlik saiasatqa qatysty taqyryptar men qatar ózge de ózekti máseleler talqylanǵan bolatyn.
Sáýir aiynan bastap 19 kezdesý uiymdastyryldy. Olar Elordada ornalasqan «Turan» kolledjinde jáne «Kólik jáne kommýnikatsiia», «Kópsalaly kolledj» MKQK, «Gýmanitarlyq kolledj» MKQK, «Shipager» Meditsinalyq kolledj mekemesi jáne taǵy da basqa oqý oryndaryndaǵy qyzdarǵa arnap uiymdastyryldy.
Kezdesýler barysynda qyzdar bilikti psihologtar men túrli uiymdardyń basshylarymen júzdesip, keńester tyńdady.
Atap aitar bolsaq, 21 qyrkúiek kúni «Kópsalaly kolledjdiń» 1-2 kýrs qyzdarymen bolǵan kezdesýge tájiribeli psihologtar Olga Iakovenko men Miliaýsha Rýstamqyzy shaqyrylyp, mamandar bul kezdesýde qyzdarǵa otbasy qundylyqtaryn, unatý men unatpaýshylyqtyń arasyn, qandai qadamdar qyzdardyń bolashaq otbasylyq ómirin buzatynyn jáne áiel densaýlyǵynyń qaýipsizdigin qalai saqtaý kerek ekendikteri týraly sóz qozǵap, túsindirý jumystaryn júrgizgen bolatyn.
Sonymen qatar, árbir kezdesýde jas qyzdarǵa mahabbat sezimi men onyń túrleri týraly aitylyp, jasóspirim qyzdardyń nelikten juptyq qatynasqa erte túsetindigi pikir týdyryp, odan saqtaný daǵdylary túsindirildi.
Budan basqa ótken sharalarǵa psiholog Marina Muhambetqyzy, «Asyl bala» Respýblikalyq Assotsiatsiiasynyń atqarýshy direktory Gúlzat Erǵazynqyzy, «Moe vozrojdenie» psihologiialyq ortalyǵynyń psihology Albina Fahrazqyzy, «Zamandas 21» QQ-nyń atqarýshy direktory Kseniia Radionova, “Aqqý” Áielder damytý ortalyǵynyń basshysy Aqgúl Abdalieva, syndy óz isiniń belgili mamandary shaqyrylǵan bolatyn. Árbir kezdesýde spikerler tyndarmandarǵa qyzdardyń tárbiesi, er azamattarmen qatynastyń qandai bolý kerektigi, áiel gigienasy men aýrýlary týraly aqparattarmen sýsyndatýǵa tyrysty.
Bul jobanyń negizgi maqsaty, elbasymyz «Qazaqstan-2050» strategiiasynda aitqandai «Bárinen buryn biz qyzdardyń tárbiesine kóńil bólýimiz kerek. Sebebi olar-bolashaq áiel, bolashaq ana jáne otbasynyń qamqorshysy» dep aitqandai ult bolashaǵy sanalatyn qyzdardyń keleshegi úshin jasalyp jatqan igi shara.
Osyny uǵyna bilgen Astana qalasynyń ákimdigine sharaǵa qatysqan qyzdardyń alǵysy sheksiz. Óitkeni ózimiz biletindei qyzdardyń kóbi jasóspirim shaqta týyndaityn máselerdi eshkimge aitpaidy jáne keńes suramaidy.
Osy oraida, olar psihologtardyń kómegine zárý dep aitsaq qatelespeimiz. Uiymdastyrýshylar joba aiasynda 29 kezdesý ótkizý kózdep otyr. Sondyqtan osy aida bolatyn 11 kezdesýge elordalyq sulýlar baryp qatysa alady.
Qarashash Esenbai
