Merekelik is-sharanyń ashylý saltanatynda ýniversitet rektory Baýyrjan Quljabaev: Qaýymdy eń aldymen Qazaq handyǵynyń 550 jyldyq mereitoiymen jáne Qazaqstan halqy Assambleiasynyń 20 jyldyǵymen quttyqtaimyn. Qos mereke biz úshin úlken tarih. Búgin mine, barlyq qiyndyqty artqa tastap Elbasynyń bastamasymen Qazaq handyǵynyń 550 jyldyǵyn jáne Qazaqstan halqy Assambleiasynyń aitýly datasyn toilaǵaly jatyrmyz. Bereke men birligi jarasqan qazaq eli máńgi jasasyn. Ult tatýlyǵyn nasihattaityn festivalimiz qutty bolsyn», – dedi.
Merekelik keshke til janashyry, Qazaqstan halqy Assambleiasynyń múshesi Asyly Osman men kúrd halqy Assambliasynyń ókili Mirzoev Kniaz Ibragimovich qonaq bolyp keldi. Asyly Osman el birligine bastaý bolǵan Elbasymyzdyń ult saiasatynyń durystyǵyn, «bir el-bir taǵdyr» ideiasyn árqashan da qoldaitynyn, búgingi kúnniń basty jetistigi el tynyshtyǵy ekendigin erekshe aityp ótti. Al, Mirzoev Kniaz Ibragimovich:
– Búgingi festivalǵa shaqyrǵandaryńyzǵa myń alǵys. Festivaldi tamashalaý barysynda Almaty ýniversitetiniń stýdentteriniń belsendiligine dán riza boldym. Ásirese, stýdent jastardyń eldikke, birlikke shaqyratyn úndeýi janymdy tebirentip jiberdi. Sizderge dáris berip júrgen oqytýshylaryńyzǵa kóp rahmet. Osyndai belsendi jastardy kóre otyryp, elimizdiń bolashaǵyna alańdamaýǵa ábden bolady, – dep óz tebirenisin bildirdi.
Stýdent jastarǵa festivaldiń tálim-tárbielik jaǵynan bereri mol boldy. Eń bastysy, ózge ulttardyń qazaq dalasynda ómir súrip, el tynyshtyǵyn uiytyp otyrǵan qazaq halqyna degen ystyq yqylasyn sezinýge septigin tigizdi. Atalǵan sharany uiymdastyrýdyń basy-qasynda júrgen Almaty ýniversitetiniń tárbie isi jónindegi prorektory Amanǵalieva Symbat Tlegenqyzyna ujym atynan alǵys aityldy.
Almas Naimanbai,
Almaty ýniversitetiniń ǵalym hatshysy
