مەرەكەلىك ءىس-شارانىڭ اشىلۋ سالتاناتىندا ۋنيۆەرسيتەت رەكتورى باۋىرجان قۇلجابايەۆ: قاۋىمدى ەڭ الدىمەن قازاق حاندىعىنىڭ 550 جىلدىق مەرەيتويىمەن جانە قازاقستان حالقى اسسامبلەياسىنىڭ 20 جىلدىعىمەن قۇتتىقتايمىن. قوس مەرەكە ءبىز ءۇشىن ۇلكەن تاريح. بۇگىن مىنە، بارلىق قيىندىقتى ارتقا تاستاپ ەلباسىنىڭ باستاماسىمەن قازاق حاندىعىنىڭ 550 جىلدىعىن جانە قازاقستان حالقى اسسامبلەياسىنىڭ ايتۋلى داتاسىن تويلاعالى جاتىرمىز. بەرەكە مەن بىرلىگى جاراسقان قازاق ەلى ماڭگى جاساسىن. ۇلت تاتۋلىعىن ناسيحاتتايتىن فەستيۆالىمىز قۇتتى بولسىن»، – دەدى.
فەستيۆالدا الماتى ۋنيۆەرسيتەتىنىڭ ستۋدەنتتەرى ەلىمىزدە ءومىر ءسۇرىپ جاتقان ەتنوستاردىڭ كيىم ۇلگىسى، اس-دامدەرىنىڭ تۇرلەرى، سونىمەن قاتار ءار ۇلتقا ءتان ءبىر ونەردەن كورسەتتى. جۇزدەن استام ۇلت وكىلدەرىن قازاقتىڭ قارا شاڭىراعىنىڭ استىنا بىرىكتىرگەن ساحنالىق كورىنىس قويىلدى.
مەرەكەلىك كەشكە ءتىل جاناشىرى، قازاقستان حالقى اسسامبلەياسىنىڭ مۇشەسى اسىلى وسمان مەن كۇرد حالقى اسسامبلياسىنىڭ وكىلى ميرزويەۆ كنياز يبراگيموۆيچ قوناق بولىپ كەلدى. اسىلى وسمان ەل بىرلىگىنە باستاۋ بولعان ەلباسىمىزدىڭ ۇلت ساياساتىنىڭ دۇرىستىعىن، «ءبىر ەل-بىر تاعدىر» يدەياسىن ءارقاشان دا قولدايتىنىن، بۇگىنگى كۇننىڭ باستى جەتىستىگى ەل تىنىشتىعى ەكەندىگىن ەرەكشە ايتىپ ءوتتى. ال، ميرزويەۆ كنياز يبراگيموۆيچ:
– بۇگىنگى فەستيۆالعا شاقىرعاندارىڭىزعا مىڭ العىس. فەستيۆالدى تاماشالاۋ بارىسىندا الماتى ۋنيۆەرسيتەتىنىڭ ستۋدەنتتەرىنىڭ بەلسەندىلىگىنە ءدان ريزا بولدىم. اسىرەسە، ستۋدەنت جاستاردىڭ ەلدىككە، بىرلىككە شاقىراتىن ۇندەۋى جانىمدى تەبىرەنتىپ جىبەردى. سىزدەرگە ءدارىس بەرىپ جۇرگەن وقىتۋشىلارىڭىزعا كوپ راحمەت. وسىنداي بەلسەندى جاستاردى كورە وتىرىپ، ەلىمىزدىڭ بولاشاعىنا الاڭداماۋعا ابدەن بولادى، – دەپ ءوز تەبىرەنىسىن ءبىلدىردى.
ستۋدەنت جاستارعا فەستيۆالدىڭ تالىم-تاربيەلىك جاعىنان بەرەرى مول بولدى. ەڭ باستىسى، وزگە ۇلتتاردىڭ قازاق دالاسىندا ءومىر ءسۇرىپ، ەل تىنىشتىعىن ۇيىتىپ وتىرعان قازاق حالقىنا دەگەن ىستىق ىقىلاسىن سەزىنۋگە سەپتىگىن تيگىزدى. اتالعان شارانى ۇيىمداستىرۋدىڭ باسى-قاسىندا جۇرگەن الماتى ۋنيۆەرسيتەتىنىڭ تاربيە ءىسى جونىندەگى پرورەكتورى امانعالييەۆا سىمبات تلەگەنقىزىنا ۇجىم اتىنان العىس ايتىلدى.
الماس نايمانباي،
الماتى ۋنيۆەرسيتەتىنىڭ عالىم حاتشىسى
