Densaýlyq saqtaý ministrligi Ulytaý oblysyndaǵy daýly jaǵdaiǵa qysty redaktsiia saýalyna jaýap berdi. Buǵan deiin aýtizmi bar balany ońaltý ortalyqtarynyń biri qabyldamai qoiǵan edi. Vedomstvo bul sheshimniń sebebin túsindirip, balanyń basqa mekemege qaita baǵyttalǵanyn málimdedi, dep habarlaidy Dalanews.kz.
Ministrliktiń málimetinshe, bala dárigerlerdiń turaqty baqylaýynda. 2026 jylǵy 10 naýryzda oǵan “Emdeýge jatqyzý biýrosy portaly” arqyly Jezqazǵan qalasyndaǵy “AURAMED” ońaltý ortalyǵyna joldama berilgen. Alaida ortalyq balany qabyldaýdan bas tartqan.
Vedomstvonyń túsindirýinshe, bul sheshim atalǵan ortalyqta balanyń diagnozyna qajetti ońaltý qyzmeti bolmaǵandyqtan qabyldanǵan.
“Patsientti emdeýge jatqyzý kórsetiletin meditsinalyq kómektiń beiinine jáne meditsinalyq uiymnyń litsenziiasyna sáikes, klinikalyq kórsetkishter men qoiylǵan diagnoz negizinde júzege asyrylady”, – delingen ministrlik jaýabynda.
Ministrlik dereginshe, “AURAMED” ortalyǵy 2018 jyly memlekettik-jekemenshik áriptestik aiasynda ashylǵan jáne nevrologiia, neirohirýrgiia, travmatologiia men ortopediia baǵyttary boiynsha mamandandyrylǵan kómek kórsetedi.
Sonymen qatar osy jaǵdaiǵa bailanysty “Jezqazǵan meditsinalyq ortalyǵy” JShS-na ákimshilik shara qoldanylǵany belgili boldy.
Qazirgi ýaqytta bala Ulytaý oblysyndaǵy “Qarlyǵash” somatikalyq shipajaiyna qaita baǵyttalyp, statsionardy almastyratyn jaǵdaida ońaltý qyzmetin alyp jatyr.
Eske salaiyq, buǵan deiin Ulytaý oblysynyń turǵyny aýtizmi bar balasyn ońaltý ortalyǵy qabyldamai qoiǵanyn aityp, áleýmettik jelide beinejazba jariialaǵan edi. Onda balanyń anasy qajetti em-domdy ala almai otyrǵanyn jetkizip, jaýapty organdardan kómek suraǵan. Osy jaǵdai qoǵamda rezonans týdyryp, másele boiynsha resmi organdarǵa saýal joldanǵan edi.
