Qarjylyq monitoring agenttigi Ulytaý oblysy Tabiǵi resýrstar basqarmasynyń basshysyna qatysty laýazymdyq ókilettikterdi teris paidalaný faktisi boiynsha, sondai-aq "Jezdi ózenin sanatsiialaý" jobasy sheńberinde tiisti túrde jumys atqarmaǵan tulǵalarǵa qatysty qylmystyq isterdi aiaqtady, dep habarlaidy Dalanews.kz.
Tergeý barysynda qurylys normalarynyń oryndalmaǵany, sondai-aq jobalaý qujattamasynan aýytqýǵa jol berilgeni anyqtaldy, bul jobalaýshy málimdegen sý kólemin ótkizý qabiletin azaitty.
"Oblystyń tabiǵi resýrstar basqarmasynyń basshysy is júzinde atqarylmaǵan jumystardyń aktilerine qol qoiǵan. Qurylys obektisine barmastan tehnikalyq jáne avtorlyq qadaǵalaýshylar da oryndalǵan jumystardyń aktilerine qol qoiyp bergen", - dep jazylǵan QMA baspasóz habarlamasynda.
Laýazymdy tulǵalardyń bul áreketi kóktemdegi sý tasqyny kezinde 10 jeke úidiń sýǵa ketýine ákelip soqty. Sý tasqyny kezinde Ulytaý oblysy Jezdi kentindegi 24 jeke úiden 108 adam, onyń ishinde 56 bala evakýatsiialandy.
Qylmystyq istiń materialdary sotqa jiberildi.
