Ulytaý oblysynda qarjylyq piramidasynyń uiymdastyrýshysy sottaldy, dep habarlaidy Dalanews.kz.
Jezqazǵan qalalyq soty qarjylyq piramidasymen bailanysty qyzmetti uiymdastyryp, 22 azamatqa jalpy somasy 27 mln teńgege shyǵyn keltirgen úshin qala turǵynyn kináli dep tanydy.
2024 jyldyń naýryz men jeltoqsan ailar aralyǵynda ol kompaniia keńsesinde kezdesýler ótkizip, jańa qatysýshylardy tirkeýmen, kompaniia júiesinde akkaýnttar qurýmen jáne «Telegram» messendjeri arqyly úgit materialdaryn taratýmen ainalysqan.
Atalǵan qyzmet azamattardy elektrondy valiýtaǵa investitsiia salý jáne bonýstar alý syltaýymen júiege tartýǵa baǵyttalǵan.
Sot úkimimen kináli adamǵa 5 jyl bas bostandyǵyn aiyrý jazasy taǵaiyndaldy.
Úkim zańdy kúshine engen joq.
Prokýratýra azamattarǵa qyraǵy bolýdy, kompaniialardyń qarjylyq qyzmetin jáne olardyń tiisti litsenziialarynyń bolýyn tekserýdi, sondai-aq qarjylyq piramidalarynyń belgileri bar shemalarǵa qatyspaýdy eskertedi.
