Ulytaý oblysynda ekologiia salasyndaǵy ruqsat qujattaryn berý úshin kásipkerden 2,5 million teńge para aldy degen kúdikpen sheneýnik ustaldy, dep habarlaidy Dalanews.kz.
Sybailas jemqorlyqqa qarsy agenttiktiń málimetinshe, ekologiia salasyndaǵy jemqorlyqty joiý boiynsha belsendi sharalar qolǵa alynǵan. Buǵan deiin Shyǵys Qazaqstan oblysynyń ekologiia departamentiniń eki basshysy men orynbasary, sondai-aq Qyzylorda oblystyq ekologiia departamenti basshysynyń orynbasary jáne basqa da tulǵalar jemqorlyq áreketteri úshin áshkerelengen.
2025 jyldyń 6 qańtarynda Ulytaý oblystyq ekologiia departamentiniń basshysy para alý faktisi boiynsha ustalyp, 8 qańtarda sot sanktsiiasymen qamaýǵa alyndy. Tergeý barysynda basqa tulǵalardyń osy iske qatysy bar-joǵy anyqtalýda.
Agenttik málimdemesinde, kúdikti 2024 jyldyń 26 tamyzynda kásipkerlik qyzmetke zańsyz aralasqany úshin ákimshilik jaýapqa tartylǵany aitylǵan. Ol kásipkerge qorshaǵan ortany qorǵaý sharalarynyń oryndalýy týraly esepti zańsyz talap etken.
Aita keteiik, Qylmystyq-protsestik kodekstiń 201-babyna sáikes tergeý derekteri tolyq jariialanbaidy. Sonymen qatar, Qazaqstan Konstitýtsiiasyna sáikes, kúdikti tulǵa kinási sotpen dáleldengenge deiin kinásiz bolyp sanalady.
