Ulytaý oblysynyń Mádeniet, tilderdi damytý jáne muraǵat isi basqarmasynyń basshysy para aldy degen kúdikke ilindi, - dep habarlaidy Dalanews.kz.
Qazir Antikor oǵan qatysty sotqa deiingi tergeý júrgizip jatyr.
"Ol oblys aýmaǵyndaǵy ejelgi qorymdardaǵy arheologiialyq qazbalar jónindegi jumystardy memlekettik satyp alý sharty boiynsha aktilerge qol qoiǵany jáne jalpy qamqorlyǵy úshin merdiger uiymnan 2 mln teńge kóleminde para alý boiynsha kúdikti.
Sot sanktsiiasymen kúdikti qamaýǵa alyndy. Tergeý jalǵasyp jatyr", - dep jazylǵan habarlamada.
Buqaralyq aqparat quraldarynda laýazymdy tulǵa buǵan deiin aitysker aqyn bolǵan Ánýar Omar ekeni aitylyp jatyr. Ol budan bólek Ulytaý aýdany, Ulytaý selolyq okrýginiń ákimi, Ulytaý aýdany ákiminiń orynbasary, Ulytaý aýdanynyń ákimi, Sátbaev qalasynyń ákimi sekildi qyzmetter atqarǵan.
