ۇلىتاۋ وبلىسىنىڭ مادەنيەت، تىلدەردى دامىتۋ جانە مۇراعات ءىسى باسقارماسىنىڭ باسشىسى پارا الدى دەگەن كۇدىككە ءىلىندى، - دەپ حابارلايدى Dalanews.kz.
ءقازىر انتيكور وعان قاتىستى سوتقا دەيىنگى تەرگەۋ جۇرگىزىپ جاتىر.
"ول وبلىس اۋماعىنداعى ەجەلگى قورىمدارداعى ارحەولوگيالىق قازبالار جونىندەگى جۇمىستاردى مەملەكەتتىك ساتىپ الۋ شارتى بويىنشا اكتىلەرگە قول قويعانى جانە جالپى قامقورلىعى ءۇشىن مەردىگەر ۇيىمنان 2 ملن تەڭگە كولەمىندە پارا الۋ بويىنشا كۇدىكتى.
سوت سانكسياسىمەن كۇدىكتى قاماۋعا الىندى. تەرگەۋ جالعاسىپ جاتىر"، - دەپ جازىلعان حابارلامادا.
بۇقارالىق اقپارات قۇرالدارىندا لاۋازىمدى تۇلعا بۇعان دەيىن ايتىسكەر اقىن بولعان ءانۋار ومار ەكەنى ايتىلىپ جاتىر. ول بۇدان بولەك ۇلىتاۋ اۋدانى، ۇلىتاۋ سەلولىق وكرۋگىنىڭ اكىمى، ۇلىتاۋ اۋدانى اكىمىنىڭ ورىنباسارى، ۇلىتاۋ اۋدانىنىڭ اكىمى، ساتبايەۆ قالاسىنىڭ اكىمى سەكىلدى قىزمەتتەر اتقارعان.
