Jurtshylyq asyǵa kútken óner ordasynyń saltanatty ashylýyna aýdan ákimi Almas Abdinov arnaiy qatysyp, aýyl halqyn qos qýanyshtarymen quttyqtap, nysannyń qurylys jumystaryna demeýshilik kórsetken aýdan janashyry, metsenat, «ZHERSU» investitsiialyq – óndiristik korporatsiiasy baqylaý keńesiniń tóraǵasy Baýyrjan Kenesbekuly Ospanovqa alǵysyn bildirdi.
Sondai – aq, aýyl turǵandary atynan qańqasy qalańǵan ǵimarattyń abattandyrý jumystaryna kómek kórsetken jeke kásipker Asqar Sebepovke aýyldyq ardagerler keńesiniń tóraǵasy K.Mamyrbekov shapan jaýyp, Kúmis Núsipovaǵa rizashylyǵyn jetkizdi.
Aita keterligi, bir qabatty 90 oryndyq klýbqa kórermender zaly men jas búldirshinderge arnalǵan úiirme sabaqtaryn ashý josparlanýda. Qazirgi tańda mekemege 5 adam turaqty jumyspen qamtyldy.
Shara sońynda azamattar naýryz kójeden dám tatyp, alaman báige men qoi kóterý saiystaryn tamashalady.
K.Arstan,
Alakól aýdany ákiminiń baspasóz hatshysy
