Buǵan deiin áleýmettik jelide "Pavlodar oblysynda 10 jastaǵy eki bala 7 jasar oqýshynyń tilin kespek bolǵany" týraly aqparat tarady. Óńir politsiiasy jańa derek aitty, dep habarlaidy Dalanews.kz.
Qylmystyq is sheńberinde politsiia qyzmetkerleri keshendi sharalar júrgizgen. Kórshilerdi surastyrý, oqiǵa ornyn qaraý jáne beinebaqylaý kameralaryndaǵy jazbalardy taldaý nátijesinde kámeletke tolmaǵan bala soqqyǵa jyǵylǵany týraly derek rastalmaǵan.
"Jasóspirim aýlada átkenshekte oinap júrip, qyzyǵýshylyqpen erni men tilin metall bólikke ózi tigizgen. Qan kórgen soń qorqyp, ákesiniń nazaryn aýdartý maqsatynda oqiǵany oidan shyǵarǵan. Balamen anasynyń qatysýymen profilaktikalyq áńgime júrgizildi. Zańdy ókiline mektep psihologynyń konsýltatsiiasyna júginý usynyldy. Sonymen qatar, balanyń saýyǵýynan keiin onyń jáne zańdy ókiliniń áreketteri Kámeletke tolmaǵandardyń isteri jáne olardyń quqyqtaryn qorǵaý jónindegi komissiiada qaralady", - dep jazylǵan habarlamada.
Politsiia azamattardy tek resmi jáne rastalǵan aqparatqa senýge shaqyrdy.
