بۇعان دەيىن الەۋمەتتىك جەلىدە "پاۆلودار وبلىسىندا 10 جاستاعى ەكى بالا 7 جاسار وقۋشىنىڭ ءتىلىن كەسپەك بولعانى" تۋرالى اقپارات تارادى. ءوڭىر پوليسياسى جاڭا دەرەك ايتتى، دەپ حابارلايدى Dalanews.kz.
قىلمىستىق ءىس شەڭبەرىندە پوليسيا قىزمەتكەرلەرى كەشەندى شارالار جۇرگىزگەن. كورشىلەردى سۇراستىرۋ، وقيعا ورنىن قاراۋ جانە بەينەباقىلاۋ كامەرالارىنداعى جازبالاردى تالداۋ ناتيجەسىندە كامەلەتكە تولماعان بالا سوققىعا جىعىلعانى تۋرالى دەرەك راستالماعان.
"ءجاسوسپىرىم اۋلادا اتكەنشەكتە ويناپ ءجۇرىپ، قىزىعۋشىلىقپەن ەرنى مەن ءتىلىن مەتالل بولىككە ءوزى تيگىزگەن. قان كورگەن سوڭ قورقىپ، اكەسىنىڭ نازارىن اۋدارتۋ ماقساتىندا وقيعانى ويدان شىعارعان. بالامەن اناسىنىڭ قاتىسۋىمەن پروفيلاكتيكالىق اڭگىمە جۇرگىزىلدى. زاڭدى وكىلىنە مەكتەپ پسيحولوگىنىڭ كونسۋلتاسياسىنا جۇگىنۋ ۇسىنىلدى. سونىمەن قاتار، بالانىڭ ساۋىعۋىنان كەيىن ونىڭ جانە زاڭدى وكىلىنىڭ ارەكەتتەرى كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى كوميسسيادا قارالادى"، - دەپ جازىلعان حابارلامادا.
پوليسيا ازاماتتاردى تەك رەسمي جانە راستالعان اقپاراتقا سەنۋگە شاقىردى.
