Ýkrainanyń Qazaqstandaǵy eks-elshisi Petr Vrýblevskii Reseide terrorister men ekstremister tizimine qosyldy, - dep habarlaidy Dalanews.kz.
Petr Vrýblevskii qazaqstandyq bloger Dias Kýzairovqa "Ýkrainanyń maqsaty orystardy neǵurlym kóbirek óltirý ekenin" aitqan bolatyn.
Syrtqy ister ministriniń orynbasary Ermuhanbet Qonyspaev Vrýblevskiidi SIM-ge shaqyryp, narazylyǵyn bildirgen bolatyn. Artynsha Vrýblevskii keshirim suraǵanyna qaramastan qyzmetinen bosatyldy.
Qazaqstan Respýblikasynyń Syrtqy ister ministrligi mundai málimdemelerdi qabyldaýǵa bolmaitynyn jáne olardyń elshi laýazymyna laiyq emes ekenin málimdegen edi.
Al Syrtqy ister ministrliginiń resmi ókili Aibek Smadiiarov "Ýkraina tarapy muny túsinistikpen qabyldaǵanyn jáne keri qaitaryp alý týraly kelisimge kelgenin" málimdedi.
