Ýkrainada soǵysqan qazaqstandyqqa Reseidiń pasporty berildi, dep habarlaidy Dalanews.kz.
24 jastaǵy qazaqstandyq Resei Qorǵanys ministrligimen kelisimshartqa otyryp, aýyr jaraqat alǵan soń, shuǵyl túrde azamattyq rásimi júrgizilgen.
Resei IIM ókili Irina Volktyń málimetinshe, Soltústik Osetiia – Alaniia Respýblikasynyń Ishki ister ministrligine qarasty kóshi-qon qyzmeti 24 jastaǵy qazaqstandyq azamatqa Resei Federatsiiasynyń tólqujatyn resmi túrde tabystady.
"Ol bizdiń eldiń dástúrli qundylyqtaryn bólise otyryp, Resei múddesin qorǵaýdy sanaly túrde tańdady jáne Qorǵanys ministrligimen kelisimshartqa otyrdy. Áskeri boryshyn óteý barysynda erlik pen batyrlyq tanytyp, aýyr jaraqat aldy", – dedi Irina Volk.
IIM málimetinshe, onyń jaraqatyna bailanysty kóshi-qon qyzmeti azamattyq alý protsesin jedel túrde júrgizip, qajetti qujattardy qysqa merzimde rásimdegen. Bul arnaiy áskeri operatsiiaǵa (SVO) qatysýshy úshin ómirlik mańyzdy máseleni shuǵyl sheshýge múmkindik bergen.
Pasport tabystaý Soltústik Osetiia – Alaniia Respýblikasynyń IIM kóshi-qon basqarmasynda ótken. Jas jigit kóshi-qon qyzmeti qyzmetkerlerine kásibi jáne janashyr qarym-qatynastary úshin alǵysyn bildirgen.
