Osyǵan deiin Reseidiń telehikaialaryn kórsetip kelgen Ýkraina telaranalary endi poliaktardyń serialdaryn satyp alyp, jurtshylyq nazaryna usynatynyn osy eldiń Mádeniet ministri Viacheslav Kirilenko málim etti.
Osylaisha eki el arasyndaǵy saiasi dúrdarazdyq mádeniet salasyna da keri áserin tigizýde. Bul jaiynda jýrnalisterge túsinikteme bergen V.Kirilenko: «Qazirgi tańda otandyq ónimder kórermenderdiń suranysyn tolyq qanaǵattandyra almaidy. Sondyqtan bizder keibir telehikaialardy ózge elderden satyp alýǵa májbúrmiz. Irgedegi kórshimiz Polsha jyl saiyn kóptegen qyzyqty teletoptamalar túsiredi. Olardyń kinoónimderi qarapaiym ýkraindyqtar úshin qyzyqty bolýy múmkin. Sol sebepti bizder aldaǵy ýaqytta Polshadan biraz telehikaialardy satyp almaqshymyz», – dedi. Osy rette Ýkrainanyń Mádenit ministrligi Polshadan teletoptamalar satyp alýmen ǵana shektelip otyrǵan joq. Sonymen qatar olar Polshanyń kinoindýstriia salasyn qarjylandyrýdaǵy ozyq is-tájiribesin de paidalanýdy kózdep otyr.
5 aqpanda Ýkrainanyń Joǵarǵy radasy orys imperializmin nasihattaityn kino men telearnalardyń jumysyn shekteý qoiatyn arnaiy zań qabyldaǵany belgili.
