– Ýkrain mektepterinde orys tiline oryn joq. Eger balalar qandaida bir terminderdi túsinbei jatsa, olarǵa qajet bolsa, jekelep túsindiretin bolamyz, – dedi qala basshysy.
Qala basshysy soǵystan bas saýǵalap, Ýkrainanyń ózge óńirlerinen kelgen otbasylardyń balalary úshin ýkrain tilin úiretetin arnaiy lagerler uiymdastyratyndaryn da alǵa tartty.
– 1 maýsymnan bastap jazǵy lagerlerde balalarǵa ýkrain tilin úirete bastaimyz. Okýpanttardyń tili bizge keregi joq, – dedi Sergei Sýhomlin.
Al Jitomir qalasy bilim departamentiniń bas mamany qazirgi tańda qaladaǵy mektepterde orys tilin oqityn 40 synyp bar ekenin alǵa tartty. Bul degenińiz myń bala orys tilin oqyp júr degen sóz.
Bilim departamentiniń mamany orys tilinen sabaq beretin ustazdardy jumyssyz qaldyrmaitynyn aitty. Orys tili mamandary mektepte ónerge qatysty pánder boiynsha sabaq beretinin aitty. Budan basqa fakýltativti kýrstar uiymdastyrý isine orys tili ustazdary tartylatynyn alǵa tartty.
Esterińizge sala ketemiz, Jitomir qalasynyń meri 11 sáýirden beri qaldaǵy mektepterde orys tili pánin toqtatý máselesin kótergen bolatyn. Ol oiynsha 20-30 jylǵa deiin ýkrain balalaryna orys tiliniń qajeti bolmaitynyn aitqan bolatyn.
