Ýkraina shabýyldarynan keiin Wildberries qoimalarynyń shamamen 10%-y zardap shekti, dep habarlaidy dalanews.kz.
Ýkraina qarýly kúshteriniń shabýyldary saldarynan Wildberries kompaniiasynyń shamamen 552 myń sharshy metr qoimasy zardap shekti. Bul kompaniianyń jalpy logistikalyq infraqurylymynyń shamamen 10%-yna teń.
24 shildege qaraǵan túni Ýkraina drondary Reseidiń birneshe óńirindegi Wildberries logistikalyq ortalyqtaryna shabýyl jasady.
Málimetke súiensek, shabýyl Sankt-Peterbýrg, Tver jáne Qyrymdaǵy logistikalyq nysandarǵa baǵyttalǵan. Sankt-Peterbýrgte bolǵan jarylystan keiin iri órt shyqqany habarlandy.
Bul - keiingi bir apta ishinde Ýkraina tarapynan Wildberries logistikalyq ortalyqtaryna jasalǵan besinshi shabýyl.
Sarapshylardyń pikirinshe, mundai jaǵdailar kompaniianyń logistikasyna áser etip, taýar jetkizý merzimi uzarýyna sebep bolýy múmkin.
Sonymen qatar, naryq sarapshylarynyń pikirinshe, Wildberries úshin jańa qoima salǵannan góri zaqymdanǵan nysandardy qalpyna keltirý tiimdirek bolmaq.
