Úkimet 2025 jylǵy biýdjet josparynda munaidyń bir barreli OPEK+ bekitken 75 dollarǵa súienedi, al pessimistik josparynda bul kórsetkish 60 dollardy quraidy. Degenmen bul arada AQSh áreketi mańyzdy ról atqaratynyn Úkimet joqqa shyǵarmaidy, dep habarlaidy Dalanews.kz.
"AQSh-tyń jańa ákimshiligi qandai sharalar qabyldaidy,onyń nátijesi I-toqsanda bilinip qalady. Menińshe, munai baǵasyna qatysty saiasat teńgerimdi saqtaýǵa tyrysady. Munyń bárin bastan ótkergenbiz. Ótkenge kóz júgirtsek, eger munai baǵasy aitarlyqtai tómendese, keiin ol kúrt kóteriledi. Sebebi ony óndirý kerek, ol úshin munai ken oryndaryna únemi investitsiia salý qajet. Investitsiiasyz salanyń ómirsheń bolýy múmkin emes. Al investitsiia úshin munaidyń teńgerimdi baǵasy qajet", – dedi Ulttyq ekonomika ministri Nurlan Baibazarov búgingi brifing barysynda.
Ol 2014 jyly igerilgen munaidyń bir barreli 40 dollar degen baǵam pessimistik josparda da qarastyrylyp otyrmaǵanyn aitty.
"Al eger alda-jalda jaǵdai solai qalyptassa, onda ekonomikanyń ósimi 4-4,5%-ǵa deiin baiaýlaýy múmkin", - deidi Baibazarov.
Aita ketsek, AQSh-taǵy prezidenttik sailaýda jeńiske jetken Donald Tramp sailaýaldy naýqan kezinde álemdik munai baǵasyn 40 dollarǵa deiin "qulatýǵa" bel býyp otyrǵanyn aitqan edi.
