Azamattyq qorǵaý salasyndaǵy birinshi kezektegi sharalardyń 2023-2027 jyldarǵa arnalǵan keshendi josparyna túzetýler engizildi. Tiisti qaýlyǵa QR Premer-Ministri Oljas Bektenov qol qoidy, – dep habarlaidy Dalanews.kz.
Biylǵy qańtar aiynda seismikalyq qaýipsizdik máseleleri jónindegi keńeste Memleket basshysy Qasym-Jomart Toqaev tótenshe jaǵdailardyń aldyn alý jáne joiý júiesiniń materialdy-tehnikalyq bazasyn nyǵaitý sharalaryn qabyldaýdy tapsyrǵan bolatyn.
Prezident tapsyrmalaryn iske asyrý sheńberinde Azamattyq qorǵaý salasyndaǵy birinshi kezektegi sharalardyń 2023-2027 jyldarǵa arnalǵan keshendi josparyna zamanaýi aviatsiialyq tehnika satyp alýǵa qatysty túzetýler engizildi.
Qarjy lizingi tetigin paidalaný arqyly TJM materialdy-tehnikalyq bazasyn jabdyqtaý úshin 11 áýe kemesin satyp alý josparlanyp otyr.
24,8 mlrd teńge mólsherindegi qajetti soma respýblikalyq biýdjetten 2027 jylǵa deiin kezeń-kezeńimen bólinetin bolady. Máseleni respýblikalyq biýdjet komissiiasy tujyrymdamalyq túrde qoldady.
TJM materialdyq-tehnikalyq bazasyn nyǵaitý aviatsiialyq tehnikamen qamtý aimaqtaryn keńeitýge múmkindik beredi. Áýe kemeleri jetý qiyn jerlerde oryn alǵan tótenshe jaǵdailar aimaqtarynan evakýatsiialaý jáne qutqarý bólimsheleriniń jedel áreket etýin qamtamasyz etý úshin, sondai-aq sý tasqyny jáne órt qaýpi basym kezeńderde monitoringtiń tiimdiligin arttyrý maqsatynda qoldanylady.
