Úkimet kóktemgi egis maýsymyna daiyndyqqa jáne shegirtkemen kúreske bólingen qarjy kólemin atady, - dep habarlaidy Dalanews.kz.
Premer-ministrdiń orynbasary, Ulttyq ekonomika ministri Serik Jumanǵarinniń sózinshe, biyl shegirtkemen kúreske bólinetin 7 mlrd teńge qarjy daiyn.
"Byltyrǵy problemalardy esepke aldyq, 7 mlrd teńge qarajat daiyn. Byltyr ziiankestiń taralý aýmaǵy 3 mln gektar bolsa, biyl 2 mln gektarǵa deiin azaidy. Qosymsha qarajat qarap jatyrmyz. Byltyrǵydai jaǵdai bolmaidy, himiialyq reagentter satyp alyndy, tehnika daiyn", -dedi Jumanǵarin.
Eske salaiyq, byltyr jazda 2,5 mln gektar aýmaqty shegirtke basýy múmkin ekeni belgili boldy. Bul týraly Aýyl sharýashylyǵy ministrliginiń resmi ókili málimdedi. Oljas Tilebaldinniń aitýynsha, Aqtóbe, Qostanai jáne Túrkistan oblystaryna tóngen qaýip joǵary. Sondyqtan jergilikti jerlerde jumysty úilestirý úshin jedel shtab qurylǵan.
Ziiankespen kúreske 427 arnaiy tehnika jumyldyrylǵan. Barlyq aimaqtarǵa himiialyq preparattar jetkizildi, – degen edi Tilebaldin.
