Memleket basshysy Qasym-Jomart Toqaevtyń tapsyrmasy boiynsha Úkimet elimizdiń jylýmen jabdyqtaý júiesin keshendi túrde jańǵyrtý jumystaryn júrgizip jatyr, dep habarlaidy Dalanews.kz.
QR Premer-Ministri Oljas Bektenov Ridderdegi jumystardy kúsheitý úshin Úkimet rezervinen qosymsha qarajat bólý týraly qaýlyǵa qol qoidy.
"Ridderdiń jylý jelilerinde byltyr júrgizilgen jóndeý-qalpyna keltirý jumystary olardyń tozý deńgeiin 78,8%-ǵa deiin tómendetýge múmkindik berdi. Alaida bul turǵyndardy jylýmen úzdiksiz qamtamasyz etý úshin áli de jetkiliksiz. Jalpy alǵanda, ótken jylytý maýsymynda jylý jelilerinde 25 tehnologiialyq buzýshylyq faktisi tirkeldi, sonyń saldarynan tutynýshylar úshin shekteýler engizildi, - delingen resmi habarlamada.
Keiinge qaldyrýǵa bolmaityn qajetti shuǵyl jumystardy eskere otyryp, QR Úkimeti rezervinen Ridder qalasynyń "Vodokanal" ShJQ MKK jylý jelilerin kúrdeli jóndeýge 2,4 mlrd teńgeden astam qarajat bóldi. Bul olardyń tozý deńgeiin jaramdy kórsetkishterge deiin jetkizýge jáne qysqy kezeńge daiyndyǵyn qamtamasyz etýge múmkindik beredi. 50-den astam ýchaskede jumystar júrgizilmek.
Esterińizge sala keteiik, bir aidan az ýaqyt buryn QR Premer-Ministri Kentaý, Ridder jáne Qyzylorda qalalarynyń jylý kózderin rekonstrýktsiialaýǵa qarajat bólý týraly qaýlylarǵa qol qoiǵan bolatyn. Atap aitqanda, Ridder jylý elektr ortalyǵynyń tehnologiialyq jabdyqtary men infraqurylymyna kúrdeli jóndeý jumystaryn júrgizýge 4,9 mlrd teńge bólindi.
Jalpy alǵanda, jylýmen jabdyqtaý júiesin jańǵyrtý jumystary aiasynda Astana, Almaty, Shymkent, Atyraý, Óskemen, Qaraǵandy, Aqtaý, Taraz, Petropavl, Pavlodar, Jezqazǵan, Aqtóbe, Ekibastuz, Stepnogorsk, Rýdnyi, Balqash jáne Aqsý qalalarynda 10 energiia blogyn, 55 qazandyqty jáne 45 týrbinany jóndeý josparlanyp otyr.
Respýblikanyń jylý kózderi men jylý jelilerin keshendi túrde jańǵyrtý máselesi QR Úkimetiniń turaqty baqylaýynda.
