Úkimet rezervinen otandyq sharýalardy qoldaý úshin 116 mlrd teńgeden astam qarajat bólindi. Premer-ministr Oljas Bektenov tiisti qaýlyǵa qol qoidy, dep habarlaidy Dalanews.kz.
Qujat 2025 jylǵy 28 qańtarda ótken Úkimettiń keńeitilgen otyrysynda Memleket basshysynyń kóktemgi egis pen jiyn-terim jumystaryna keminde 700 mlrd teńge kóleminde jeńildetilgen qarjylandyrýdy qamtamasyz etý boiynsha bergen tapsyrmasyn oryndaý sheńberinde qabyldandy.
Atap aitqanda, aýyl sharýashylyǵy taýar óndirýshilerin qoljetimdi nesie arqyly qoldaý jáne sharýalardyń qarjylyq jaǵdaiyn turaqtandyrý maqsatynda qaýlyǵa sáikes Úkimet rezervinen shamamen 116 mlrd 772 mln teńge bólý qarastyrylǵan.
Qarajatty 2025 jylǵy kóktemgi egis jáne jiyn-terim jumystaryn sapaly júrgizý, sondai-aq otandyq óndiristegi aýyl sharýashylyǵy tehnikasyn satyp alý úshin AÓK sýbektilerin qarjylandyrýǵa baǵyttaý josparlanǵan.
Bul ári qarai elimizde óndirilgen jáne qurastyrylǵan aýyl sharýashylyǵy tehnikasyn satyp alýdy qarjylandyrýǵa, keiin ony lizingke berýge, sondai-aq «Damý» kásipkerlikti damytý qory» AQ tarapynan nesie sharttaryn kepildendirý kezinde komissiiany arzandatý úshin «Agrarlyq nesie korporatsiiasy» AQ men «QazAgroQarjy» AQ obligatsiialary boiynsha kýpondyq syiaqyny sýbsidiialaý arqyly júzege asyrylady.
Eske sala keteiik, Memleket basshysynyń 2024 jylǵy 7 aqpanda ótken QR Úkimetiniń keńeitilgen otyrysynda bergen tapsyrmalaryn oryndaý sheńberinde Úkimet 2025 jylǵy kóktemgi egis jáne jiyn-terim jumystaryn qarjylandyrýdyń kólemin arttyrý maqsatynda alǵashqy 100 mlrd teńgeni 2024 jyldyń jeltoqsanynda bólgen bolatyn.
