Májilis depýtaty Edil Jańbyrshin Ekologiia ministrliginiń ókiline eldi mekenderdi erekshe qorǵalatyn tabiǵi aýmaqqa aýystyrý týraly saýal qoidy,- dep habarlaidy Dalanews.kz.
Onyń sózinshe, bul másele Úkimetke deiin jetken, alaida Úkimet naqty sheshim usynbaǵan.
"Meniń qoiaiyn dep otyrǵan suraǵym zań jobasynda eń pikirtalas týǵyzǵan máselege bailanysty. Zań jobasyna eldi mekenderdi, infraqurylymdy, áleýmettik nysandardy erekshe qorǵalatyn tabiǵi aýmaqtan basqa jerdiń sanatyna aýystyrý jóninde norma kirgen bolatyn. Bul nysandardyń bári erekshe qorǵalatyn tabiǵi aýmaq jasaqtalmai turyp, keńeitilmei turyp bar dúnieler edi. Endi depýtattar tarapynan eki norma usynyldy. Birinshi - eshqaisyn da erekshe qorǵalatyn tabiǵi aýmaqtardan shyǵarmaý, ekinshisi - eldi mekenderdi ǵana qaldyryp, qalǵandaryn shyǵaryp, olardyń jóndeý jasaýyna múmkindik berý. Osy másele daý týǵyzǵannan keiin Úkimetke jiberdik. Úkimet Qojanasyrdyń nusqasyn jasady. Qojanasyrǵa eki adam ózderiniń daýyn sheship ber dep barady ǵoi. Sonda Qojekeń "seniki de durys, onyki de durys, ony aityp turǵan meniki de durys" deidi. Jumys tobynda depýtattardyń ózderi bir variantyn daýysqa salyp, qabyldady. Eldi mekender erekshe qorǵalatyn tabiǵi aýmaqtan shyqpaidy. Qalǵandaryn basqa sanatqa aýdarýǵa bolady deidi. Ekologiia jáne tabiǵi resýrstar ministrligine suraǵym, sizderdiń pozitsiialaryńyz qandai?" - dep surady depýtat.
Ministrlik ókili depýtattyń saýalyna jaýap bergen soń Májilis tóraǵasy Erlan Qoshanov ta sózge aralasty.
"Qaisyńyzdiki durys ekenin bilmeimin. Qanaǵattandyńyz ba?" - dep kúldi.
Depýtat ta qaita sóz aldy.
"Bir pozitsiia bolýy kerek. Ekinshi pozitsiiany qoldadyq dep otyr. Sondyqtan Qojanasyrdyń varianty ótpei qaldy", - dep jaýap berdi depýtat.
