Ózbekstan Parlamenti el Úkimetiniń otstavkasyn qabyldady, – dep habarlaıdy Dalanews.kz aqparattyq agenttigi Ózbekstannyń zań shyǵarýshy organynyń saıtyna silteme jasap.

Jeltoqsan aıynda kórshi elde Parlament saılaý oryn alǵan bolatyn. Saılaýdan keıin Úkimettiń jumysyn toqtatyp, otstavkaǵa ketýi tıis. Úkimettiń otstavkasyn Senat depýtattary da qoldaǵan.

Ózbekstannyń Konstıtýtsıasyna sáıkes jańa Úkimet quramy jasaqtalǵansha, qazirgi quram óz jumysyn atqaratyn bolady.

Búgin Ózbekstannyń Parlamenti jańa Premer-mınıstrdiń kandıdatýrasyn qarastyryp bekitýi tıis. Ózbekstan zańy boıynsha jańa Úkimet basshysynyń kadıdatýrasyn zań shyǵarýshy organdaǵy kópshilik orynǵa ıe partıa usynýy tıis.

Esterińizge sala keteıik, ótken jyldyń 22 jeltoqsanynda parlament saılaýynda Ózbekstannyń lıberaldy-demokratıalyq partıasy jeńiske jetip, basymdyqqa ıe bolǵan bolatyn. Keıbir derekkózderi atalǵan partıa 2016 jyldan beri Úkimetti basqaryp kele jatqan Abdýlla Arıpovtyń kandıdatýrasyn qaıta usynýy múmkin ekenin alǵa tarýda.