– Ekonomikalyq saiasat ózgermei, teńgeniń aiaǵynan nyq turýy múmkin emes. Sebebi, bizdiń biliktiń ustanyp otyrǵan saiasaty burys. Bizdiń valiýta nege tek qana munaiǵa baǵynyshty? Óitkeni bizde basqa óndiris damymaǵan. Joq.
Al, jeńil ónerkásiptiń, basqa óndiristiń damymaýynyń sebebi nede? Úkimettiń júiesiz ekonomikalyq saiasat júrgizýinde. Bizdiń biliktiń bul úrdisti ózgertýge nieti de joq. Niet bolsa, bárin qaita bastaýǵa múmkindik týar edi. Ol úshin monopolizmdi joiý qajet.
Aldymen adaldyq qajet. Adal básekelestik orta qalyptastyrý lázim. Jáne on jyldan beri ekonomikamen ainalysyp kelgen ministrlerdi túgel otstavkaǵa jiberý kerek. Al, myna ministrlerdiń qolynan túk kelmeidi. On jyl otyrdy. Munai baǵasy joǵary bolǵan tusta da taǵynda edi. Ne bitirdi? Esesine syrtqy qaryz 30 paiyzǵa ósip ketti.
Iaǵni, ekonomikamen ainalysqan ministrler halyqtan keshirim surai otyryp otstavkaǵa ketýi tiis. On jyldyń nátijesi óte nashar. Bizdi osyndai daǵdarysqa dýshar etkender bizdi odan qalai alyp shyǵady? Múmkin emes jaǵdai.
Ekonomikasy tek «qara altynǵa» qaraǵan halyqtyń erteńi aitpasa da túsinikti. Qarapaiym ǵana, eger munai baǵasy 30 dollarǵa tómendeitin bolsa, dollar baǵasy 400 teńge bolady. Al, buǵan bizdiń Úkimet esh arashashy bola almaidy.
Ekonomistiń oiynsha, osyndai keleńsizdikter nátijesinde azyq-túlik, kiim-keshek, dári-dármek, tipti transport pen kommýnaldyq qyzmet quny da qymbattaidy. Ómir súrýdiń ózi qyrýar qarjyny qajet etedi.
DEREKKÓZ: qamshy.kz
