«Oskar» syilyǵynyń iegeri, irlandiialyq aktrisa Brenda Friker 81 jasynda ómirden ótti. Ol kórermenge «Úide jalǵyz qalǵanda 2» filmindegi Ortalyq saiabaqta kepter baǵatyn áieldiń róli arqyly keńinen tanylǵan, dep habarlaidy dalanews.kz.
Aktrisa 1989 jyly jaryq kórgen «Meniń sol aiaǵym» filminde basty keiipkerdiń anasyn somdady. Osy róli úshin 1990 jyly «Úzdik kómekshi aktrisa» nominatsiiasy boiynsha «Oskar» marapatyna ie boldy.
Al 1992 jyly shyqqan «Úide jalǵyz qalǵanda 2» filminde ol Niý-Iorkte jalǵyz qalǵan Kevinmen dostasatyn úisiz áieldiń obrazyn somdady. Bul keiipker aktrisanyń eń este qalarlyq rólderiniń birine ainaldy.
Brenda Friker sondai-aq «Sonymen, men baltamen óltirýshige úilendim», «Shetkeri alańdaǵy perishteler», «Ajal ýaqyty» jáne «Veronika Gerin» filmderinde oinaǵan.
Aktrisa keiingi suhbattarynyń birinde «Oskar» júldesi onyń mansabyna keri áser etkenin aitqan. Onyń sózinshe, marapattan keiin rejisserler oǵan kóbine bir-birine uqsas rólder usynyp, basqa janrdaǵy jobalarǵa shaqyrmai qoiǵan.
«“Oskardyń qarǵysy” degen qubylys maǵan da áser etti», – degen edi Brenda Friker 2024 jyly bergen suhbatynda.
