Qazaqstanda Biryńǵai ulttyq testileýdiń (UBT) jańa formatyn ázirleýge shamamen 3 mln dollar (1,4 mlrd teńge) jumsalǵan. Bul týraly ǵylym jáne joǵary bilim ministri Saiasat Nurbek málimdedi, dep habarlaidy Dalanews.kz.
Ministrdiń aitýynsha, joba negizinen Ulttyq testileý ortalyǵynyń qarajaty esebinen qarjylandyrylǵan.
«Shamamen 3 mln dollar osy testti jasaýǵa jumsaldy. Qarjy ministrliktiń biýdjeti jáne Ulttyq testileý ortalyǵynyń óz qarajaty esebinen bólindi. Bul qarajattyń basym bóligi respýblikalyq biýdjetten alynǵan joq», – dedi Nurbek.
Onyń sózinshe, jalpy shyǵynnyń shamamen 80 paiyzy Ulttyq testileý ortalyǵynyń óz qarajatynan jabylǵan. Al ministrlik tek jetispegen az bóligin ǵana qarjylandyrǵan.
Ulttyq testileý ortalyǵy jyl saiyn synaq testilerin satý arqyly shamamen 1,5 mlrd teńge tabys tabady.
