Tótenshe jaǵdailar ministrligi «Kaztsinktegi» zaýytyndaǵy jarylystyń aldyn ala sebebin atady. Vedomstvo málimetinshe, oqys oqiǵaǵa taý-ken jumystaryn júrgizý kezindegi tehnologiialyq protsestiń buzylýy sebep bolýy múmkin, dep habarlaidy dalanews.kz.
Bul týraly Úkimette ótken baspasóz máslihatynda tótenshe jaǵdailar ministri Shyńǵys Árinov málimdedi.
Ministrdiń aitýynsha, aldyn ala málimet boiynsha, jarylys taý-ken jumystaryn qujattama talaptaryn buza otyryp júrgizý jáne óndiristik jumystardy uiymdastyrý deńgeiiniń tómen bolýynan bolǵan.
– «Kaztsinktegi» zaýytyndaǵy jarylystyń aldyn ala sebebi – taý-ken jumystaryn qujattama talaptaryn buza otyryp júrgizý jáne óndiristik jumystardy uiymdastyrýdyń qanaǵattanarlyqsyz bolýy. Aldyn ala málimet boiynsha, jarylys tehnologiialyq protsestiń buzylýynan boldy, – dedi Árinov.
Sondai-aq ministr bul nysandarda buǵan deiin de ónerkásiptik qaýipsizdik talaptarynyń buzylǵany anyqtalǵanyn aitty. Onyń sózinshe, anyqtalǵan kemshilikter qatarynda tehnikalyq qurylǵylardy paidalaný merzimin uzartýǵa arnalǵan saraptamalardyń bolmaýy, jobalyq qujattamadan aýytqýlar, óndiristik baqylaýdyń álsizdigi jáne tozǵan jabdyqtardy ýaqytyly aýystyrmaý bar.
TJM ókilderi oqiǵa boiynsha túpkilikti qorytyndy tergeý aiaqtalǵannan keiin jasalatynyn málimdedi.
Aita keteiik, buǵan deiin Shyǵys Qazaqstan oblysyndaǵy Qaztsink kásiporny aýmaǵyndaǵy shań jinaý qondyrǵysynda jarylys bolyp, arty órtke ulasqan, keibir jerler ishinara opyrylǵan. Saldarynan eki adam qaza tapty.
Qazir úiindilerdi tazalaý jumystary jalǵasyp jatyr.
