Tımýr Qulybaevtyń olıgopolıa sýbektileriniń qupıa tizimine engizilgeni týraly qujattyq dálelder tabyldy,- dep habarlaıdy Dalanews.kz Nege.Aqsha-ǵa siltep.
Buǵan deıin eks-prezıdenttiń kúıeý balasyna tıesili túrli aktıvterdiń ara-tura tárkilenetinin eskersek, buryn bul boljam ǵana bolatyn.
Nege.Aqsha arnasynyń qolda bar qujattarynda zańsyz alynǵan múlikti memleketke qaıtarý jónindegi komısıanyń 2023 jylǵy 13 qazandaǵy sheshimimen Qulybaev «Zańsyz alynǵan múlikti memleketke qaıtarý týraly» Zańynyń sýbektileriniń tizilimine engizilgeni aıtylady. 2023 jyldyń jeltoqsanynda Bas prokýratýra janyndaǵy Aktıvterdi qaıtarý komıtetiniń talaby boıynsha 2025 jyldyń aqpanyna deıin ýaqytsha sharalar qoldanylǵan.
Atap aıtqanda, Qulybaevqa, onyń baqylaýyndaǵy «Qamqor Menejment» JSHS-ne, «Azamattarǵa arnalǵan úkimet» jáne «Baǵaly qaǵazdardyń ortalyq depozıtarııi» memlekettik mekemesine kez kelgen nysanda ıelikten shyǵarý áreketterin jasaýǵa tyıym salyndy. Buǵan qaryzdyq jáne ózge de mindettemelerdi jasaýǵa, múlikke úshinshi tulǵalardyń kepildigine jáne ózge de quqyqtaryna aýyrtpalyq salýǵa jáne olardy senimgerlik basqarýǵa berýge baǵyttalǵan mámileler, sondaı-aq «Temirjol jóndeý» JSHS jarǵylyq kapıtalyndaǵy 100% úlesinen dıvıdendter tóleý jatady. Sondaı-aq, 2024 jyldyń 4 qańtarynda kompanıanyń Astanadaǵy jyljymaıtyn múlkine, onyń ishinde sheberhanalarǵa, temirjoldarǵa, garajdarǵa, qoımalarǵa jáne jer telimderine tyıym salýlar men shekteýler engizildi.
Esterińizge sala keteıik, «Temirjol jóndeý» seriktestigi temirjol jáne avtomobıl joldaryn salý jáne jóndeýmen aınalysady jáne «Qamqor Menejment» holdıńiniń quramyna kiredi.
