Timýr Qulybaevqa tiesili bolǵan "Shubarkól Premiým" AQ kompaniiasynda direktorlar keńesi aýysty, - dep habarlaidy Dalanews.kz.
"Shubarkól Premiým" AQ jalpy jinalysy kompaniianyń direktorlar keńesine Baýyrjan Raiymbekov - tóraǵa jáne táýelsiz direktor, Nurlan Májen jáne Direktorlar keńesiniń músheleri: Anet Shynybyev, Ablimit Rahmatýlaev, Dinmuhamed Músiraliev sailandy. Bul týraly Qazaqstan qor birjasy (KASE) habarlady.
Burynǵy "Shubarkól Premiým" direktorlar keńesi quramynda: Lýiza Aqanova, Eldos Raijanov, Eldar Baibolov, Eran Ýpýshev, Ermek Baimuhanov alynyp tastaldy.
1 shildedegi jaǵdai boiynsha,"Shubarkól Premiým" AQ-nyń 67 paiyzy Timýr Qulybaev baqylaityn "Joint Resources" AQ kompaniiasyna tiesili bolǵan.
Buǵan deiin kásipker Keńes Raqyshev pen Shýhrat Ibragimov "Shubarkól premiým" kompaniiasynyń 10 paiyz úlesin satyp alǵanyn habarlaǵan edik. Bul kompaniiany birneshe iesi bólip basqaryp otyrǵan, onyń ishinde Timýr Qulybaev ta bar.
Aktsionerler quramyndaǵy ózgeris 13 qyrkúiekte bolǵan. Kompaniia ieleri tiziminen úsh adam shyǵarylǵan. Birinshisi Joint Resources AQ - Timýr Qulybaevtyń kompaniiasy, ol 67 paiyz aktsiianyń iesi bolǵan. Ekinshisi Joint Resources JShS - Qulybaevtardyń seriktesi Raýshan Sagdievanyń kompaniiasy jáne Trans Coal Investment Group JShS.
Kompaniia basshylyǵy ne úshin aýysqany jáne ornyna Raqyshev pen Ibragimov ne úshin kelgeni ázirge belgisiz.
"Shubarkól Premiým" - kómir óndirýshi kompaniia, Qaraǵandy oblysyndaǵy Shubarkól ken ornynda ornalasqan.
Aita keteiik, forbs derekteri boiynsha, Keńes Raqyshev 75 eń bai qazaqstandyqtyń ishinde 19-orynda.
