تيمۋر قۇلىباەۆقا تيەسٸلٸ بولعان "شۇباركٶل پرەميۋم" اق كومپانيياسىندا ديرەكتورلار كەڭەسٸ اۋىستى, - دەپ حابارلايدى Dalanews.kz.
"شۇباركٶل پرەميۋم" اق جالپى جينالىسى كومپانييانىڭ ديرەكتورلار كەڭەسٸنە باۋىرجان رايىمبەكوۆ - تٶراعا جەنە تەۋەلسٸز ديرەكتور, نۇرلان مەجەن جەنە ديرەكتورلار كەڭەسٸنٸڭ مٷشەلەرٸ: انەت شىنىبىەۆ, ابليميت راحماتۋلاەۆ, دٸنمۇحامەد مٷسٸراليەۆ سايلاندى. بۇل تۋرالى قازاقستان قور بيرجاسى (KASE) حابارلادى.
بۇرىنعى "شۇباركٶل پرەميۋم" ديرەكتورلار كەڭەسٸ قۇرامىندا: لۋيزا اقانوۆا, ەلدوس رايجانوۆ, ەلدار بايبولوۆ, ەران ۋپۋشەۆ, ەرمەك بايمۇحانوۆ الىنىپ تاستالدى.
1 شٸلدەدەگٸ جاعداي بويىنشا,"شۇباركٶل پرەميۋم" اق-نىڭ 67 پايىزى تيمۋر قۇلىباەۆ باقىلايتىن "Joint Resources" اق كومپانيياسىنا تيەسٸلٸ بولعان.
بۇعان دەيٸن كەسٸپكەر كەڭەس راقىشەۆ پەن شۋحرات يبراگيموۆ "شۇباركٶل پرەميۋم" كومپانيياسىنىڭ 10 پايىز ٷلەسٸن ساتىپ العانىن حابارلاعان ەدٸك. بۇل كومپانييانى بٸرنەشە يەسٸ بٶلٸپ باسقارىپ وتىرعان, ونىڭ ٸشٸندە تيمۋر قۇلىباەۆ تا بار.
اكتسيونەرلەر قۇرامىنداعى ٶزگەرٸس 13 قىركٷيەكتە بولعان. كومپانييا يەلەرٸ تٸزٸمٸنەن ٷش ادام شىعارىلعان. بٸرٸنشٸسٸ Joint Resources اق - تيمۋر قۇلىباەۆتىڭ كومپانيياسى, ول 67 پايىز اكتسييانىڭ يەسٸ بولعان. ەكٸنشٸسٸ Joint Resources جشس - قۇلىباەۆتاردىڭ سەرٸكتەسٸ راۋشان ساگديەۆانىڭ كومپانيياسى جەنە Trans Coal Investment Group جشس.
كومپانييا باسشىلىعى نە ٷشٸن اۋىسقانى جەنە ورنىنا راقىشەۆ پەن يبراگيموۆ نە ٷشٸن كەلگەنٸ ەزٸرگە بەلگٸسٸز.
"شۇباركٶل پرەميۋم" - كٶمٸر ٶندٸرۋشٸ كومپانييا, قاراعاندى وبلىسىنداعى شۇباركٶل كەن ورنىندا ورنالاسقان.
ايتا كەتەيٸك, فوربس دەرەكتەرٸ بويىنشا, كەڭەس راقىشەۆ 75 ەڭ باي قازاقستاندىقتىڭ ٸشٸندە 19-ورىندا.
