"Janseıit Qanseıituly Túımebaev Túrkistan oblysynyń ákimi bolyp taǵaıyndalsyn, ol Ońtústik Qazaqstan oblysynyń ákimi qyzmetinen bosatylsyn", - delingen Jarlyq mátininde.
Esterińizge sala keteıik, keshe QR Prezıdenti Nursultan Nazarbaev "Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly" Jarlyqqa jarıa túrde qol qoıdy.
Oǵan sáıkes ortalyǵy Túrkistan qalasy bolatyn Túrkistan oblysy qurylyp, Shymkent qalasyna respýblıkalyq mártebe berildi.
Túımebaev Janseıit Qanseıituly
1958 jyly Ońtústik Qazaqstan oblysynda dúnıege kelgen, fılologıa ǵylymynyń kandıdaty, profesor.
Qazaq memlekettik ýnıversıtetin, Máskeý memlekettik áleýmettik ýnıversıtetiniń zan fakúltetin bitirgen.
1980-1993 jyldary - Qazaq memlekettik ýnıversıtetinde oqytýshy, dosent. 1993-1994 jyldary - Qazaqstan Respýblıkasy Syrtqy ister mınıstrliginiń birinshi hatshysy, bólim bastyǵy.
1997-1999 jyldary - Qazaqstan Respýblıkasy Prezıdenti protokol qyzmetiniń bas sarapshysy, Qazaqstan Respýblıkasynyń Ystanbul qalasyndaǵy Bas konsýly,
1999-2006 jyldary - QR Prezıdenti protokolynyń jetekshisi,
2004-2006 jyldary - Qazaqstan Respýblıkasy Prezıdenti protokolynyń jetekshisi - Qazaqstan Respýblıkasy Prezıdentiniń keńesshisi,
2006-2007 jyldary - Qazaqstan Respýblıkasynyń Bilim jáne ǵylym mınıstri,
2007-2010 jyldary Reseı Federasıasyndaǵy Tótenshe jáne Ókiletti Elshisi,
2010-2016 jyldary Qazaqstannyń Túrkıadaǵy tótenshe jáne ókiletti elshisi bolyp qyzmet atqardy. 2016 jylǵy 6 qazanda Ońtústik Qazaqstan oblysynyń ákimi bolyp taǵaıyndalǵan bolatyn.
"Qazaq tiliniń tarıhı gramatıkasy", "Qazirgi qazaq tiliniń leksıkologıasy", "Qazaq tili", "Qazaq tili: Gramatıkalyq anyqtamalyq", t.b. kitaptardyń avtory. "Qurmet" ordenimen, medaldarmen marapattalǵan.
