Otandyq kinoindýstriiaǵa olja salǵan týyndyny belgili kaskader, rejisser ári akter Ǵalymbek Qaratúrik túsirgen, dep habarlaidy Dalanews.kz.
Shyǵys Eýropadaǵy eń tanymal baiqaýda 200-den astam shyǵarma baq synaǵan. Úsh aidan astam irikteý júrgizilgen festivalde “Tutylǵan jaryq” eń úzdik qysqa metrajdy film dep tanyldy. Týyndynyń rejisseri Ǵalymbek Qaratúriktiń aitýynsha, stsenariii shynaiy oqiǵaǵa negizdelgen.
Filmde bas keiipkerdi kaskader Edil Symaǵulov oinasa, qosalqy rólderdi kásibi akterler somdaǵan.
Týyndy kúndiz kózi kórmeitin, túnde ǵana kóretinbarymtashynyń balasy týraly. Onyń uly da týra ózi siiaqty bolyp dúniege kelip, ákesiniń jolyn qýady. Kózi de túnde ǵana kóredi. Aqyrynda ákesimen birge opat bolady. Kózdiń bul aýrýy ǵylymda «ahromatopsiia» dep atalady. Coǵan bailanysty filmniń ataýy “Tutylǵan jaryq” dep qoiylǵan.
– Bul filmniń negizgi aitar oiy ne jasasań – sol aldyńnan shyǵady. Bul dúniede jaqsylyq jasaǵan adamnyń ómiriniń sońy jaqsylyqpen, jamandyq jasaǵan adamnyń ómiriniń sońy jamandyqpen aiaqtalatyny kórsetiledi. Tabiǵat qubylystarymen bailanysty da halyqtyq filosofiialyq detaldar kórinis tabady. Mysal úshin kúnniń tutylýy, jalǵyz qustyń jaryqqa qarai ushyp bara jatýy degen siiaqty kórinister bar, – deidi Ǵalymbek Qaratúrik.
Sondai-aq, ol Qazaq kinoindýstriiasy úshin birneshe irgeli jobalardy qolǵa alyp jatqanyn, jaqynda jariialaitynyn da aitty.
