Áleýmettik jelide Astana – Qostanai baǵytyndaǵy tasjolda túsirilgen video tarady, dep habarlaidy dalanews.kz.
Kadrlarda birneshe qyzmettik politsiia kóliginiń kolonnamen qozǵalyp kele jatqany baiqalady. Jeli qoldanýshylary videoda jol qozǵalysy erejeleriniń buzylýy bolýy múmkin degen pikir bildirip jatyr.
Oqiǵaǵa bailanysty advokat Tleýjan Kishkenebaev pikir aitty.
«Zań talaptary barshaǵa ortaq. Bul jerde qandai da bir erekshe tártip nemese jeńildik joq. Eger jábirlenýshi taraptan aryz tússe, onda quqyqtyq baǵa berilip, tiisti sharalar qabyldanýy múmkin», – dedi ol.
Sondai-aq advokat yqtimal jaýapkershilik máselesine de toqtaldy.
«Eger osy bap boiynsha aryz berilse, onda jaýapkershilik máselesi qaralady. ÁQBtK-niń 596-baby 3-bóligi aiasynda alty aiǵa deiin kólik júrgizý quqyǵynan aiyrý jazasy kózdelgen», – dedi Tleýjan Kishkenebaev.
Qazirgi ýaqytta oqiǵaǵa qatysty resmi túsinikteme jariialanǵan joq. Video áleýmettik jelilerde keńinen talqylanyp jatyr.
