ەلەۋمەتتٸك جەلٸدە استانا – قوستاناي باعىتىنداعى تاسجولدا تٷسٸرٸلگەن ۆيدەو تارادى, دەپ حابارلايدى dalanews.kz.
كادرلاردا بٸرنەشە قىزمەتتٸك پوليتسييا كٶلٸگٸنٸڭ كولوننامەن قوزعالىپ كەلە جاتقانى بايقالادى. جەلٸ قولدانۋشىلارى ۆيدەودا جول قوزعالىسى ەرەجەلەرٸنٸڭ بۇزىلۋى بولۋى مٷمكٸن دەگەن پٸكٸر بٸلدٸرٸپ جاتىر.
وقيعاعا بايلانىستى ادۆوكات تلەۋجان كٸشكەنەباەۆ پٸكٸر ايتتى.
«زاڭ تالاپتارى بارشاعا ورتاق. بۇل جەردە قانداي دا بٸر ەرەكشە تەرتٸپ نەمەسە جەڭٸلدٸك جوق. ەگەر جەبٸرلەنۋشٸ تاراپتان ارىز تٷسسە, وندا قۇقىقتىق باعا بەرٸلٸپ, تيٸستٸ شارالار قابىلدانۋى مٷمكٸن», – دەدٸ ول.
سونداي-اق ادۆوكات ىقتيمال جاۋاپكەرشٸلٸك مەسەلەسٸنە دە توقتالدى.
«ەگەر وسى باپ بويىنشا ارىز بەرٸلسە, وندا جاۋاپكەرشٸلٸك مەسەلەسٸ قارالادى. ەقبتك-نٸڭ 596-بابى 3-بٶلٸگٸ اياسىندا التى ايعا دەيٸن كٶلٸك جٷرگٸزۋ قۇقىعىنان ايىرۋ جازاسى كٶزدەلگەن», – دەدٸ تلەۋجان كٸشكەنەباەۆ.
قازٸرگٸ ۋاقىتتا وقيعاعا قاتىستى رەسمي تٷسٸنٸكتەمە جارييالانعان جوق. ۆيدەو ەلەۋمەتتٸك جەلٸلەردە كەڭٸنەن تالقىلانىپ جاتىر.
