Qazaqstanda ym tiline resmi mártebe berilýi múmkin. Májilis depýtat Ekaterina Smoliakovanyń bastamasyn qoldady, dep habarlaidy dalanews.kz.
Búginde Qazaqstanda mundai azamattardyń sany 30 myńnan asady, onyń 5 myńy - balalar. Májilistiń jumys tobynda estý jáne sóileý qabileti buzylǵan azamattardyń quqyǵyn qorǵaýǵa baǵyttalǵan mańyzdy bastama qoldaý tapqan.
Ótken aptada depýtat Ekaterina Smoliakova osy másele boiynsha depýtattyq saýal joldady. Al mańyzdy normanyń bastamashysy Májilis depýtaty Nurgúl Taý boldy. Zań jobasymen jumys isteý barysynda ol estý jáne sóileý qabileti buzylǵan adamdardy qoldaýǵa qatysty túzetýler engizgen.
"Osy ýaqytqa deiin ym tili zańnamalyq deńgeide tolyqqandy bekitilmegen edi. Qurǵaq sandardyń artynda árqashan adamdardyń taǵdyry tur", — dedi Ekaterina Smoliakova.
Ol bul máseleni jeke baqylaýynda ustaitynyn da jetkizdi.
Búgin depýtattar Úkimetten usynylǵan túzetýlerge qoldaý bildirgen qorytyndy alǵan. Májilistiń jumys toby bul bastamany biraýyzdan maquldaǵan.
