Reseilik youtube-bloger Anton S reseilik videobloger jáne ánshi Valia Karnavaldyń Qazaqstanda klip túsirýi barysynda ózin ustaýyna qatysty oqiǵany baiandap berdi, dep habarlaidy Dalanews.kz.
Blogerdiń aitýynsha, Valia Karnaval klip túsirý úshin Qazaqstanǵa kelgen, alaida túsirilim alańynda birde bir qazaq bolmasyn degen talap qoiǵan.
«Qazaqstanǵa kelip, alańnan barlyq jergilikti turǵyndardy alyp tastaýdy suraý — bul múldem orynsyz áreket. Naǵyz krinj», – deidi Anton S.
Onyń aitýynsha, túsirilim qala mańyndaǵy dala men kanondarda, shamamen tórt saǵattyq jerde ótken. Barlyq daiyndyq – kiim, makiiaj, aksessýarlar – aldyn ala kelisilgen.
Alaida túsirilim kezinde top músheleriniń biri qazaqsha sóilei bastaǵanda, Valia Karnaval kenetten ashýǵa býlyǵyp, túsirilimdi toqtatyp, álgi adamdy alańnan qýyp jiberipti-mys.
Blogerdiń aitýynsha, keiin Karnaval óziniń mamanyn aldyrtyp, ol 5-6 saǵat jol júrip kelgen. Onyń mindeti — modelge aq jeide men djinsy kigizý ǵana bolǵan.
«Ol stilistterge dóreki sóilep, “kolhoz” dep ataǵan. Bir qyz nege meni tańdadyńyz dep suraǵanda, Valia “men ony korei qyzy eken dep oiladym” dep jaýap beripti. Bul – naǵyz uiat jaǵdai», – deidi Anton S.
Búgin reseilik blogerdiń ózi telegram arnasynda bul jaitqa qatysty pikir bildirip, Anton S málimdegen nárselerdiń bári jalǵan aqparat ekenin jetkizdi.
"Bir jyl buryn men qazaqstandyq komandamen dóreki sóilesippin. Munyń bári jalǵan, ǵaibat jáne arandatý úshin istelip otyrǵan dúnie. Onyń ústine men qazaqstandyq komandanyń jumysyna tek tánti boldym. Keremet klip shyqty. Maǵan qatysty osyndai jalǵan aqparat taraǵany qynjyltady. Meni qaralaýǵa baǵyttalǵan ósek-aiańǵa senbeýlerińizdi suraimyn", deidi Valia.
