QR Týrizm jáne sport ministrligi Taiaý Shyǵystaǵy shielenisken jaǵdaiǵa bailanysty qazaqstandyqtarǵa málimdeme jasady,- dep habarlaidy Dalanews.kz
QR Kólik ministrligi Azamattyq aviatsiia komitetiniń Taiaý Shyǵystaǵy jaǵdaiǵa bailanysty habarlamasyna sáikes, Iran, Izrail, Siriia, Irak, Iordaniia jáne Livan aýmaǵynda, áýe keńistiginde jáne oǵan jaqyn aimaqtarda ushýǵa tolyq tyiym salynǵan. Bul shekteý arnaiy buiryq shyqqanǵa deiin kúshinde bolady. Atalǵan vedomstvonyń nusqaýy otandyq áýe tasymaldaýshylardyń barlyq turaqty jáne turaqsyz jolaýshylar, júk, sondai-aq tehnikalyq reisterine qatysty.
"Osyǵan bailanysty týristerden jaǵdaidy jiti qadaǵalap, saparlaryn, ásirese BAÁ men Parsy shyǵanaǵy elderine barýdy muqiiat josparlaýdy suraimyz. Atalǵan óńirdegi ahýal ózgergen jaǵdaida, Qazaqstannyń Aviatsiialyq ákimshiliginiń aviatsiialyq qaýipsizdik departamenti qosymsha aqparat usynady. QR Týrizm jáne sport ministrligi jaǵdaidy jiti baqylaýda ustap, jaýapty memlekettik organdar, elshilikter jáne týroperatorlarmen turaqty bailanysyp otyr. Qajet bolǵan jaǵdaida Ministrlik Týristik Qamqormen jáne áýekompaniialarmen birlesip týristerdi qaitarýdy qamtamasyz etedi", - delingen habarlamada.
Eske salaiyq, 13 maýsymǵa qaraǵan túni Izrail Iranǵa qarsy aýqymdy áýe operatsiiasyn bastady. Tegeran mańyndaǵy keminde alty áskeri nysanǵa soqqy jasaldy.
Taiaý Shyǵystaǵy jaǵdaidyń ushyǵýyna bailanysty Qazaqstannyń Tel-Avivtegi Elshiligi Izraildegi barlyq Qazaqstan azamattaryna Tyl qolbasshylyǵynyń nusqaýlaryn (https://www.oref.org.il/ru) saqtaýǵa, qaýipsizdik sharalaryn barynsha kúsheitýdi, saqtyq pen qyraǵylyq tanytýdy, sońǵy jańalyqtardy qadaǵalaýdy, sondai-aq Qazaqstan Elshiligimen bailanysta bolýdy suraidy.
Izraildegi Qazaqstan azamattary úshin jedel jeli telefon nómirleri:
Qazaqstannyń Izraildegi Elshiliginiń bailanys nómirleri:
+972 (3) 503 78 85 (kezekshi)
+972 53 635 19 83 (uialy telefon, WhatsApp)
+972 55 273 38 13 (uialy telefon, WhatsApp)
+7 700 111 31 96 (WhatsApp)
