قر تۋريزم جەنە سپورت مينيسترلٸگٸ تاياۋ شىعىستاعى شيەلەنٸسكەن جاعدايعا بايلانىستى قازاقستاندىقتارعا مەلٸمدەمە جاسادى,- دەپ حابارلايدى Dalanews.kz
قر كٶلٸك مينيسترلٸگٸ ازاماتتىق اۆياتسييا كوميتەتٸنٸڭ تاياۋ شىعىستاعى جاعدايعا بايلانىستى حابارلاماسىنا سەيكەس, يران, يزرايل, سيرييا, يراك, يوردانييا جەنە ليۆان اۋماعىندا, ەۋە كەڭٸستٸگٸندە جەنە وعان جاقىن ايماقتاردا ۇشۋعا تولىق تىيىم سالىنعان. بۇل شەكتەۋ ارنايى بۇيرىق شىققانعا دەيٸن كٷشٸندە بولادى. اتالعان ۆەدومستۆونىڭ نۇسقاۋى وتاندىق ەۋە تاسىمالداۋشىلاردىڭ بارلىق تۇراقتى جەنە تۇراقسىز جولاۋشىلار, جٷك, سونداي-اق تەحنيكالىق رەيستەرٸنە قاتىستى.
"وسىعان بايلانىستى تۋريستەردەن جاعدايدى جٸتٸ قاداعالاپ, ساپارلارىن, ەسٸرەسە باە مەن پارسى شىعاناعى ەلدەرٸنە بارۋدى مۇقييات جوسپارلاۋدى سۇرايمىز. اتالعان ٶڭٸردەگٸ احۋال ٶزگەرگەن جاعدايدا, قازاقستاننىڭ اۆياتسييالىق ەكٸمشٸلٸگٸنٸڭ اۆياتسييالىق قاۋٸپسٸزدٸك دەپارتامەنتٸ قوسىمشا اقپارات ۇسىنادى. قر تۋريزم جەنە سپورت مينيسترلٸگٸ جاعدايدى جٸتٸ باقىلاۋدا ۇستاپ, جاۋاپتى مەملەكەتتٸك ورگاندار, ەلشٸلٸكتەر جەنە تۋروپەراتورلارمەن تۇراقتى بايلانىسىپ وتىر. قاجەت بولعان جاعدايدا مينيسترلٸك تۋريستٸك قامقورمەن جەنە ەۋەكومپانييالارمەن بٸرلەسٸپ تۋريستەردٸ قايتارۋدى قامتاماسىز ەتەدٸ", - دەلٸنگەن حابارلامادا.
ەسكە سالايىق, 13 ماۋسىمعا قاراعان تٷنٸ يزرايل يرانعا قارسى اۋقىمدى ەۋە وپەراتسيياسىن باستادى. تەگەران ماڭىنداعى كەمٸندە التى ەسكەري نىسانعا سوققى جاسالدى.
تاياۋ شىعىستاعى جاعدايدىڭ ۇشىعۋىنا بايلانىستى قازاقستاننىڭ تەل-اۆيۆتەگٸ ەلشٸلٸگٸ يزرايلدەگٸ بارلىق قازاقستان ازاماتتارىنا تىل قولباسشىلىعىنىڭ نۇسقاۋلارىن (https://www.oref.org.il/ru) ساقتاۋعا, قاۋٸپسٸزدٸك شارالارىن بارىنشا كٷشەيتۋدٸ, ساقتىق پەن قىراعىلىق تانىتۋدى, سوڭعى جاڭالىقتاردى قاداعالاۋدى, سونداي-اق قازاقستان ەلشٸلٸگٸمەن بايلانىستا بولۋدى سۇرايدى.
يزرايلدەگٸ قازاقستان ازاماتتارى ٷشٸن جەدەل جەلٸ تەلەفون نٶمٸرلەرٸ:
قازاقستاننىڭ يزرايلدەگٸ ەلشٸلٸگٸنٸڭ بايلانىس نٶمٸرلەرٸ:
+972 (3) 503 78 85 (كەزەكشٸ)
+972 53 635 19 83 (ۇيالى تەلەفون, WhatsApp)
+972 55 273 38 13 (ۇيالى تەلەفون, WhatsApp)
+7 700 111 31 96 (WhatsApp)
