Tanymal ázilkesh ári akter Tursynbek Qabatovtyń týǵan jeri – Aqpáter aýylynda jańa meshit salynyp jatyr, dep habarlaidy dalanews.kz.
Bul týraly TikTok jelisinde Nurbek Dosqaziev esimdi qoldanýshy habarlaǵan. Onyń aitýynsha, 20-30 adamǵa arnalǵan qulshylyq ornyn Tursynbek Qabatov óz qarajatyna turǵyzyp jatyr.
"Tursynbek Qabatovty bireýler jaqsy deidi, bireýler jaman deidi. Qalai desek te, Tursynbek óz aýylyna osyndai igi jumys jasap jatyr. Osy meshitke bes adam barsa, sol bes adam ózimen taǵy bes adam ertip keledi. Alla qalasa, osy meshit arqyly aýylymyzǵa imandy adamdardy ákelse eken", – dedi video avtory.
Áleýmettik jeli qoldanýshylary bul bastamaǵa qatysty túrli pikir bildirgen. Bir bóligi óner iesine alǵysyn aityp, igi isine qoldaý kórsetse, endi biri aýylǵa meshitten góri mektep salý mańyzdy degen pikir qaldyrǵan.
Ázirge Tursynbek Qabatovtyń ózi meshit qurylysyna qatysty resmi pikir bildirgen joq.
