Májilis depýtaty Magerram Magerrammov týristik saladaǵy kásipkerlerdi qoldaýǵa 400 million teńgeden astam qarajat qarastyrylǵanyn, alaida bul múmkindikten kópshiliginiń beihabar qalǵanyn aitty, dep habarlaidy Dalanews.kz.
Búgin Májiliste Joǵary aýditorlyq palatanyń biznesti memlekettik qoldaý sharalary jónindegi esebi tanystyryldy.
Otyrys barysynda Magerram Magerrammov týrizm salasyna arnalǵan memlekettik qoldaý tetikteri kásipkerlerdiń jetkilikti deńgeide habardar bolmaýyna bailanysty is júzinde suranysqa ie bolmaǵanyn málimdedi.
Joǵary aýditorlyq palatanyń memlekettik aýditi nátijesinde josparlanǵan 402 mln teńgeniń tek 85,8 mln teńgesi ǵana igerilgeni anyqtalǵan.
«Biznestiń jetkilikti deńgeide aqparattandyrylmaýyna bailanysty qoldaý sharalary suranyssyz qaldy», – dedi depýtat.
Sondai-aq Magerrammov aýdit qorytyndysy boiynsha kásipkerlerdiń memlekettik qoldaý múmkindikteri týraly habardarlyǵyn arttyrý úshin qandai naqty sharalar qabyldaý qajet degen másele áli de ashyq kúiinde qalyp otyrǵanyn atap ótti.
