ءماجىلىس دەپۋتاتى ماگەررام ماگەررامموۆ تۋريستىك سالاداعى كاسىپكەرلەردى قولداۋعا 400 ميلليون تەڭگەدەن استام قاراجات قاراستىرىلعانىن، الايدا بۇل مۇمكىندىكتەن كوپشىلىگىنىڭ بەيحابار قالعانىن ايتتى، دەپ حابارلايدى Dalanews.kz.
بۇگىن ماجىلىستە جوعارى اۋديتورلىق پالاتانىڭ بيزنەستى مەملەكەتتىك قولداۋ شارالارى جونىندەگى ەسەبى تانىستىرىلدى.
وتىرىس بارىسىندا ماگەررام ماگەررامموۆ تۋريزم سالاسىنا ارنالعان مەملەكەتتىك قولداۋ تەتىكتەرى كاسىپكەرلەردىڭ جەتكىلىكتى دەڭگەيدە حاباردار بولماۋىنا بايلانىستى ءىس جۇزىندە سۇرانىسقا يە بولماعانىن مالىمدەدى.
جوعارى اۋديتورلىق پالاتانىڭ مەملەكەتتىك ءاۋديتى ناتيجەسىندە جوسپارلانعان 402 ملن تەڭگەنىڭ تەك 85،8 ملن تەڭگەسى عانا يگەرىلگەنى انىقتالعان.
«بيزنەستىڭ جەتكىلىكتى دەڭگەيدە اقپاراتتاندىرىلماۋىنا بايلانىستى قولداۋ شارالارى سۇرانىسسىز قالدى»، – دەدى دەپۋتات.
سونداي-اق ماگەررامموۆ اۋديت قورىتىندىسى بويىنشا كاسىپكەرلەردىڭ مەملەكەتتىك قولداۋ مۇمكىندىكتەرى تۋرالى حاباردارلىعىن ارتتىرۋ ءۇشىن قانداي ناقتى شارالار قابىلداۋ قاجەت دەگەن ماسەلە ءالى دە اشىق كۇيىندە قالىپ وتىرعانىن اتاپ ءوتتى.
